Thursday 19 September 2019
Home      All news      Contact us      English
tert.am - 8 days ago

Ճապոնիայում ձևավորվել է կառավարության նոր կազմը

Ճապոնիայում ձևավորվել է կառավարության նոր կազմը, գրում է ria.ru-ն՝ կառավարության գլխավոր քարտուղար Յոսիհիդե Սուգանի հայտարարությանը հղումով: Նոր կառավարությունում իրենց պաշտոնին են մնացել միայն երկու քաղաքական գործիչներ՝ գլխավոր քարտուղար Յոսիհիդե Սուգան և ֆինանսների նախարար Տարո Ասոն: ԱԳ նախարար Տարո Կոնոն դարձել է պաշտպանության նախարար, իսկ վերջինիս տեղը զբաղեցրել է տնտեսության վերականգնման հարցերով ներկայիս նախարար Տոսիմիցու Մոտեգին: Նախկին կաբինետներում նախարարական պաշտոններ զբաղեցրած երկու անձինք նույնպես պաշտոն են ստացել կառավարությունում, որոնք են՝ աշխատանքի և բարեկեցության նախարար Կացունոբու Կատոն և արտաքին գործերի նախարար Սանաե Տակաիտին: Նախկին վարչապետ Ձյունիտիրո Կոիձումիի որդին՝ 38-ամյա Սինձիրոն, դարձել է երկրի հետպատերազմյան պատմության մեջ ամենաերիտասարդ քաղաքական գործիչը, որ ընդգրկվել է նախարարների կաբինետի կազմում: Ըստ կանխատեսումենրի՝ ապագայում նա կկարողանա հավակնել վարչապետի պաշտոնին։ Բացի այդ, կառավարության կազմից դուրս Անվտանգության խորհրդի գլխավոր քարտուղարի պաշտոնը զբաղեցրել է Սիգեռու Կիտամուրան: Նոր կառավարության միջին տարիքը կազմել է 61,5 տարի։ Չորեքշաբթի երեկոյան նոր կառավարությունը կանցնի երկրի կայսեր հաստատման արարողությանը, որից հետո կառավարությունը կհամարվի պաշտոնապես ձևավորված: Ավելի վաղ հաղորդվել էր, որ Ճապոնիայի կառավարությունը չորեքշաբթի առավոտյան ամբողջ կազմով հրաժարական էր տվել: Պատճառը, ըստ հաղորդման, կառավարության կազմի ծրագրված փոփոխությունն է եղել հուլիսին խորհրդարանի վերին պալատի ընտրություններում կուսակցության հաղթանակից հետո, ինչպես նաև հոկտեմբերին սպառողական հարկի մինչև 10 տոկոս բարձրացումը:

Related news

Latest News
Hashtags:   

Ճապոնիայում

 | 

ձևավորվել

 | 

կառավարության

 | 

կազմը

 | 
Most Popular (6 hours)

Most Popular (24 hours)

Most Popular (a week)

Sources