Friday 20 September 2019
Home      All news      Contact us      English
tert.am - 9 days ago

Իսրայելի օդուժը պատասխան հարված է հասցրել Գազայի հատվածում ՀԱՄԱՍ-ի 15 ռազմական թիրախներին

Իսրայելցի գրոհայինները չորեքշաբթի ավիահարվածներ են հասցրել Գազայի հյուսիսային և կենտրոնական հատվածներում տեղակայված ՀԱՄԱՍ-ի 15 ռազմական թիրախներին՝ ի պատասխան երեքշաբթի երեկոյան իսրայելական Աշդոդ և Աշկելոն քաղաքների ուղղությամբ իրականացված հրթիռակոծման: Այդ մասին հայտնել են իսրայելական բանակի մամուլի ծառայությունից, հաղորդում է ТАСС-ը: Որոշ ժամանակ առաջ Իսրայելի պաշտպանության բանակի զինյալները օդային հարված են հասցրել Գազայի հատվածի հյուսիսային և կենտրոնական մասերում գտնվող 15 ահաբեկչական թիրախների, ներառյալ՝ մի շարք ռազմական թիրախների և ՀԱՄԱՍ-ի ռազմածովային օբյեկտների, ինչպես նաև զենքի արտադրամասերի և ՀԱՄԱՍ շարժմանը պատկանող ստորգետնյա թունելի ուղղությամբ: Հարձակումն իրականացվել է նախօրեին Իսրայելի տարածքում Գազայի հատվածի կողմից հրթիռային հարվածներին ի պատասխան , - ասված է ռազմական գերատեսչության տարածած հայտարարության մեջ: Իսրայելի պաշտպանության բանակը շարունակելու է կոշտ գործողությունները՝ կանխելու քաղաքացիական անձանց վնաս հասցնելու փորձերը: ՀԱՄԱՍ շարժումը պատասխանատվություն է կրում Գազայի հատվածում տեղի ունեցող ցանկացած իրադարձության համար ,- հավելել են մամուլի ծառայությունից: Հիշեցնենք, որ նախօրեին 5 հրթիռ է արձակվել Գազայի հատվածից Աշդոդ և Աշկելոն քաղաքների ուղղությամբ, որոնցից առնվազն մեկը որսացել է Երկաթյա գմբեթ ՀՕՊ համակարգը: Օդային տագնապի ազդանշաններն ընդհատել են Իսրայելի վարչապետ Բենյամին Նեթանյահուի նախընտրական քարոզարշավը, որն անցկացվում էր Աշդոդ քաղաքում:

Related news

Latest News
Hashtags:   

Իսրայելի

 | 

օդուժը

 | 

պատասխան

 | 

հարված

 | 

հասցրել

 | 

Գազայի

 | 

հատվածում

 | 

ՀԱՄԱՍ

 | 

ռազմական

 | 

թիրախներին

 | 
Most Popular (6 hours)

Most Popular (24 hours)

Most Popular (a week)

Sources