Friday 20 September 2019
Home      All news      Contact us      English
tert.am - 9 days ago

Ռադայում առաջարկել են հետաքննել ուկրաինական ընդդիմադիր հեռուստաալիքների գործունեությունը

Ուկրաինայի խորհրդարանի լիագումար նիստի օրակարգ է մտել ուկրաինական երեք՝ NewsOne, 112 Ukraine և ZIK հեռուստաընկերությունների ռուսամետ գործունեությունը հետաքննող հանձնաժողովի ստեղծման մասին օրենքի նախագիծ: Այդ մասին հայտնել է Ընդդիմության պլատֆորմ. Կյանքի համար խմբակցության պատգամավոր Վադիմ Ռաբինովիչը, հաղորդում է Life.ru-ն: Աղբյուրի փոխանցմամբ՝ նա նշել է, որ նախաձեռնությունը խորհրդարան ներկայացրել են Ժողովրդի ծառայ և Ձայն կուսակցությունների ներկայացուցիչները: Խորհրդարանականը հիշեցրել է, որ 2019 թվականի հուլիսին կրակոցներ էին արձակվել 112 Ուկրաինա հեռուստաալիքի շենքի ուղղությամբ, իսկ NewsOne-ը զրկվել էր լիցենզիայից Հեռուստատեսության և ռադիոյի ազգային խորհրդի նիստից հետո: Ահա և ձեզ շղթան. հարձակում հեռուստաընկերության վրա, ՀՌ Ազգային խորհրդի անօրինական նիստ և հիմա էլ սա ... , - ասել է Ռաբինովիչը: Հիշեցնենք, որ հուլիսի սկզբին հաղորդվել էր, որ Россия 1 և NewsOne հեռուստաընկերությունները հեռուստակամուրջ կանցկացնեն երկու պետությունների միջև: Ուկրաինայում NewsOne-ի գործունեությունը դավաճանություն էին որակել, և նրա դեմ քրեական գործ հարուցել: Դրանից հետո ուկրաինական հեռուստաալիքը ստիպված էր դիմել միջազգային կազմակերպություններին՝ աջակցության խնդրանքով, քանի որ խմբագրության վրա ճնշում էր գործադրվում:

Related news

Latest News
Hashtags:   

Ռադայում

 | 

առաջարկել

 | 

հետաքննել

 | 

ուկրաինական

 | 

ընդդիմադիր

 | 

հեռուստաալիքների

 | 

գործունեությունը

 | 
Most Popular (6 hours)

Most Popular (24 hours)

Most Popular (a week)

Sources