Friday 20 September 2019
Home      All news      Contact us      English
tert.am - 9 days ago

Չգիտեմ՝ ով ում է սատարում, ինձ սատարում են իմ համայնքի բնակիչները․ Փարաքարի համայնքի ղեկավարի թեկնածու Դ. Մինասյանը՝ իր մրցակիցներին իշխանական պատգամավորների կողմից սատարելու մասին

Չգիտեմ՝ ով ում է սատարում, գիտեմ, որ ինձ սատարում են իմ համայնքի բնակիչները: Tert.am-ի հետ զրույցում նման հայտարարություն արեց Փարաքարի համայնքի ղեկավարի թեկնածու Դավիթ Մինասյանը՝ անդրադառնալով հարցին, թե իր մրցակիցներին սատարում են իշխանական պատգամավորները։ Նա նշեց, որ ինքն անկուսակցական է, հույսն էլ համագյուղացիներն են։ - Պարո՛ն Մինասյան, Դուք ավագանու անդամ եք, ինչո՞ւ եք որոշել առաջադրվել որպես Փարաքար համայնքի ղեկավար։ - Այո, արդեն մի քանի տարի է՝ ավագանու անդամ եմ և շատ լավ գիտեմ մեր համայնքի հոգսերը, չկարգավորված խնդիրները։ Երիտասարդ եմ, ունեմ լավ գաղափարներ և գալիս եմ այդ գաղափարները կյանքի կոչելու՝ ի շահ մեր համայնքի։ Ծնվել, մեծացել եմ Փարաքարում, և ինքս այդ հոգսերի կրողն եմ, ինձնից առավել լավ ո՞վ կարող է հասկանալ մեր համայնքի բնակիչներին։ Հավատում եմ՝ հաջողության կհասնեմ, քանի որ իմ համագյուղացիները հավատում են ինձ, դրա ապացույցներից մեկն էլ այն է, որ ես ամենաշատ ձայներ հավաքած ավագանու անդամն եմ։ - Կոնկրետ ի՞նչ խնդիրների մասին է խոսքը, և ո՞րն է Ձեր լուծումը։ - Խնդիրները գրեթե նույնն են, ինչ Հանրապետության մյուս համայնքներում՝ ոռոգման ջրի, ճանապարհների, դպրոցների կահավորման խնդիր և այլն։ Որպես մարզիկ՝ առաջնային եմ համարում նաև դպրոցներն ու մանկապարտեզները մարզագույքով վերազինելը, որը կնպաստի պատանիների առողջ զբաղվածությանը։ Իհարկե, առաջնայիններից է աղբահանության խնդիրը, բայց փորձելու ենք լուծել ոչ միայն բուն կենցաղային խնդիրները, այլև, օրինակ, մեր համայնքի սոցիալապես անապահով անձանց անվճար իրավաբանական խորհրդատվությունն ենք ապահովելու, քանի որ շատ խնդիրների մարդիկ բախվում են հենց այս գիտելիքների պակասից։ Փորձելու ենք սուբվենցիոն ծրագրեր մշակել ու ներկայացնել՝ փորձելով կառավարության աջակցությամբ լուծել առավել մասշտաբային խնդիրներ՝ գիշերային լուսավորության ցանցի անցկացում, կոյուղիների բարեկարգում և այլն։ - Դուք 2017թ․-ից ավագանու անդամ եք, ի՞նչն է Ձեզ խանգարել լուծել այս խնդիրները։ - Պարբերաբար խնդիրները բարձրաձայնել եմ, բայց հաշվի առնելով բոլորին հայտնի հանգամանքներն՝ այդ գաղափարներն այդպես էլ մնացել են միայն գաղափարներ։ Ամենևին չցանկանալով որևէ մեկին՝ առավել ևս մրցակիցներիս սևացնել՝ պետք է ասեմ, որ մեր ձայնը պարզապես լսելի չի եղել։ - Մամուլում շրջանառվում է, որ Ձեր մրցակիցներից 2-ին սատարում են իշխանական տարբեր պատգամավորներ, որոնցից մեկը Իմ քայլը խմբակցության պատգամավոր Սասուն Միքայելյանն է։ - Կրկնեմ, որ չեմ ցանկանում ուրիշներին սևացնելով ճանապարհս անցնել, ես չգիտեմ, թե ով ում է սատարում, գիտեմ, որ ինձ սատարում են իմ համայնքի բնակիչները, և հույսս իմ ժողովրդի քվեն է։ Հույս ունեմ, որ նոր Հայաստանում նման գործելաոճն այլևս տեղ չունի, և դա զուտ մամուլի բամբասանք է։ - Դուք ազատազրկված եք եղել, սա Ձեր վարկանիշի վրա չի՞ ազդելու։ - Չեմ հերքում, բայց շահարկողներն էլ գիտեն, թե իրականությունը որն է։ Մամուլում կեղծ լուրեր էին շրջանառել, թե ես սպանության փորձի համար եմ դատապարտվել, ինչն իրականությանը չի համապատասխանում։ Իրականությունն այլ է եղել՝ վիճաբանություն, փորձել եմ փրկել ընկերոջս կյանքը, որի արդյունքում պատիժ եմ կրել մարմնական վնասվածք հասցնելու համար։ Ասեմ, որ կոռումպացված դատական համակարգի կողմից կայացված դատավճիռը բողոքարկել եմ վերաքննիչ ու վճռաբեկ դատարաներում, սակայն օգտվել եմ հանրային պաշտպանի ծառայությունից, քանի որ չունեի համապատասխան միջոցներ։ Կարծում եմ՝ պարզ է, որ ինձ մատուցված իրավաբանական ծառայությունը եղել է, մեղմ ասած, ոչ որակյալ։ Ազատազրկումից հետո ընդունվել եմ, ավարտել, ստացել մագիստրոսի աստիճան։ Այդ դեպքը եղել է իմ կյանքի առաջին ու վերջին նման իրավիճակը, ինչը, կարծում եմ, շատ բանի մասին է վկայում։ Համագյուղացիներս էլ գիտեն իրականությունը: - Բոլոր թեկնածուները մինչ ընտրվելը խոստումներ են տալիս, ի՞նչ միջոցներով եք իրականացնելու ձեր խոստումները։ - Հավատացնում եմ Ձեզ, որ անգամ առկա բյուջեի օպտիմալ ու ճիշտ կառավարման դեպքում խնդիրների մեծ մասը կլուծվի։

Related news

Latest News
Hashtags:   

Չգիտեմ՝

 | 

սատարում

 | 

սատարում

 | 

համայնքի

 | 

բնակիչները․

 | 

Փարաքարի

 | 

համայնքի

 | 

ղեկավարի

 | 

թեկնածու

 | 

Մինասյանը՝

 | 

մրցակիցներին

 | 

իշխանական

 | 

պատգամավորների

 | 

կողմից

 | 

սատարելու

 | 

մասին

 | 
Most Popular (6 hours)

Most Popular (24 hours)

Most Popular (a week)

Sources