Friday 20 September 2019
Home      All news      Contact us      English
tert.am - 9 days ago

ՌԴ-ի հետ հարաբերություններում մեր իշխանությունների գործելաոճը մանկական խաղի է նմանվում՝ դու ինձ այսպես արեցիր, ես էլ քեզ՝ այսպես. Արա Հակոբյան

Ամուլսարի հարցում վարչապետի պահվածքն անհասկանալի է, նա որոշում չի ընդունում, որոշում ընդունելը նորից թողնում է հանրություն- Լիդիան հարաբերությունների վրա: Tert.am-ի հետ զրույցում նման կարծիք հայտնեց Ազգային օրակարգ կուսակցության հիմնադիր անդամ Արա Հակոբյանը: Ամուլսարի հարցով Նիկոլ Փաշինյանի ուղիղ եթերի հիմնական միտքն այն էր, որ զրուցել է Լիդիան Ինթերնեյշնլ ընկերության ղեկավարության հետ և նրանք իրեն հավաստիացրել են, որ որևէ բնապահպանական խնդիր չի առաջանալու և բոլոր ռիսկերը կառավարելի են: Քանի որ իրեն վստահեցրել են, ինքն էլ համարում է, որ պատասխանատվությունը մնում է երաշխավորին՝ տվյալ դեպքում Լիդիան -ին: Սա հերթական փախուստն է որոշում ընդունելուց: Սա հերթական մոտեցումն է, որ ով ասես պատասխանատու է, բացի եղած իշխանություններից և անձամբ Նիկոլ Փաշինյանից: Եթե Լիդիան -ը երաշխավորություն է տվել, դա չի նշանակում, որ Լիդիան -ն է պատասխանատու հանրության առջև. ո՛չ, պատասխանատուն դուք եք, որովհետև որոշումը ձերը պետք է լինի, պարո՛ն վարչապետ ,- նշեց Արա Հակոբյանը: Ինչ վերաբերում է հանքի շահագործման հնարավոր ժամկետների վերաբերյալ Նիկոլ Փաշինյանի հայտարարությանը, որ 2020 թ.-ի 4-րդ եռամսյակում կամ 2021 թ.-ի 1-ին եռամսյակում Ամուլսարը կշահագործվի, Արա Հակոբյանը նկատեց. Սա նույնպես հատկանշական է եղած իշխանություններին՝ չտալ լուծումներ, լուծումները հետաձգել : Ազգային օրակարգ կուսակցության անդամը սխալ է համարում նաև այլ՝ Թեղուտի և Քաջարանի հանքերի հետ համեմատությունը. Ասվում է, որ նրանք խնդիրներ ունեն և մենք թույլ ենք տալիս, որ նրանք աշխատեն, ապա եթե Լիդիան -ին թույլ չտանք, կլինի խտրականություն: Այս ի՞նչ մոտեցում է: Եթե դուք վստահ եք, որ մյուս հանքերում բնապահպանական խնդիրներ կան, ապա անհրաժեշտ չափանիշների մասով նորից վերաբանակցեք և ապահովեք, որ բնապահպանական խնդիրները նվազեն : Սեպտեմբերի 8-ին Արցախի 228 համայնքներում տեղի ունեցան ՏԻՄ ընտ րութ յուն նե րը, որոնք Արա Հակոբյանի գնահատմամբ՝ անցել են առանց լուրջ միջադեպերի և խախտումների. Ի հեճուկս շատերի, որոնք փորձում էին սադրել իրավիճակը, ուզում էին բաժանարար գծերը կառուցել նաև Արցախի Հանրապետությունում, ինչպես Հայաստանում է, Արցախի մեր բնակչությունը ցույց տվեց իր իմաստուն լինելը : Ինչ վերաբերում է Արցախի և Հայաստանի իշխանությունների միջև առկա անհամաձայնություններին, Արա Հակոբյանը նշեց. Ասելով, որ մինչ այդ Արցախում չեն եղել ազատ և թափանցիկ ընտրություններ, Նիկոլ Փաշինյանը գործում է նույն համատեքստում՝ բաժանարար գծեր, անհամաձայնություններ, սև-սպիտակներ: Խոսքը այն հայտարարության մասին է, որ տարաձայնությունները կվերանան, երբ Արցախում անցկացվեն նոր, ժողովրդավարական ընտրություններ : Ինչ վերաբերում է հայ-ռուսական հարաբերություններին՝ Արա Հակոբյանի կարծիքով առկա է լարվածություն, որի դրսևորումն է ՌԴ նախագահ Վլադիմիր Պուտինի Երևան այցի հարցում հստակություն չլինելը և ռուս ընդդիմադիր հասարակական-քաղաքական գործիչ Վիտալի Շիշկինին Հայաստանի կողմից քաղապաստան տրամադրելը: Եթե մեր իշխանությունները փորձում են Միհրան Պողոսյանի, Միքայել Հարությունյանի արտահանձնման մերժմանը հակադարձել ինչ-որ անհասկանալի գործչի քաղաքական ապաստան տալով՝ իմ համար դա զարմանալի է: Մանկական խաղի է նմանվում՝ դու ինձ այսպես արեցիր, ես էլ քեզ սենց կանեմ, դա ի՞նչ պետական մոտեցում է: Սա ցույց է տալիս, որ հայ ռուսական հարաբերություններում առկա է լարվածություն: Հայ-ռուսական հարաբերությունների ամենակարևոր դրսևորումներից մեկն էլ այն է, որ առ այս պահը հայտնի չէ՝ ՌԴ նախագահ Պուտինը ներկա լինելու՞ է Երևանում անցկացվելիք ԵԱՏՄ բարձրագույն խորհրդի նիստին ,- ասաց Ազգային օրակարգի անդամը: Մանրամասները՝ տեսանյութում:

Related news

Latest News
Hashtags:   

հարաբերություններում

 | 

իշխանությունների

 | 

գործելաոճը

 | 

մանկական

 | 

նմանվում՝

 | 

այսպես

 | 

արեցիր

 | 

այսպես

 | 

Հակոբյան

 | 
Most Popular (6 hours)

Most Popular (24 hours)

Most Popular (a week)

Sources