Friday 20 September 2019
Home      All news      Contact us      English
tert.am - 10 days ago

Ռոբերտ Քոչարյանի աջակիցները նստացույց հայտարարեցին՝ պահանջելով կատարել ՍԴ որոշումը և Քոչարյանի խափանման միջոցի հարցով անհապաղ նիստ հրավիրել

Շենգավիթի դատարանի շենքի առջև բողոքի ակցիա իրականացնող ՀՀ երկրորդ նախագահ Ռոբերտ Քոչարյանի աջակիցները հայտարարեցին, որ նստացույց են սկսում: Նրանք պահանջում են կատարել Սահմանադրական դատարանի որոշումը և Ռոբերտ Քոչարյանի խափանման միջոցի հարցով անհապաղ նիստ հրավիրել: Նշենք, որ բողոքի ակցիա իրականացնող աջակիցներն իրենց պահանջի մասին տեղեկացրել էին Քոչարյանի և մյուսների գործով դատավոր Աննա Դանիբեկյանի օգնականին, սակայն որևէ արձագանք չեն ստացել։ Մենք առայժմ հայտարարում ենք նստացույց, թե մինչև երբ, դեռևս չենք նշում և կսպասենք տիկին Դաինբեկյանի պատասխանին, թե երբ է հրավիրելու անհապաղ նիստ ,-ասաց աջակիցներից մեկը: Նշենք, որ Քոչարյանի աջակիցները առավոտից բողոքի ակցիա են իրականացնում Երևանի ընդհանուր իրավասության դատարանի Շենգավիթի նստավայրի դիմաց՝ պահանջելով Քոչարյանի և մյուսների գործով դատավոր Աննա Դանիբեկյանից անհապաղ դատական նիստ հրավիրել և քննարկել Ռոբերտ Քոչարյանի խափանման միջոցի հարցը։ Հիշեցնենք, որ սեպտեմբերի 4 ին ՍԴ-ն մասնակի բավարարել էր ՀՀ երկրորդ նախագահ Ռոբերտ Քոչարյանի դիմումը, ըստ որի՝ ՀՀ քրեական դատավարության օրենսգրքի 35-րդ հոդվածի 2 րդ մասը ճանաչել Սահմանադրությանը հակասող և անվավեր։ Ըստ 35-րդ հոդվածի 2 րդ մասի՝ նշված քրեական հետապնդումը բացառող հանգամանքների թվում անձեռնմխելիությանը վերաբերող կարգավորում առկա չէ, ինչը հակասահմանադրական է։

Այս որոշումից հետո Քոչարյանի պաշտպանները հայտարարեցին, որ առաջին ատյանի դատարանը պետք է անհապաղ դատական նիստ գումարի և ազատ արձակի երկրորդ նախագահին։ Մինչդեռ դատախազությունը պնդում է, որ ՍԴ որոշման ուժով Ռոբերտ Քոչարյանին ազատ արձակելու հիմքեր չկան։

Related news

Latest News
Hashtags:   

Ռոբերտ

 | 

Քոչարյանի

 | 

աջակիցները

 | 

նստացույց

 | 

հայտարարեցին՝

 | 

պահանջելով

 | 

կատարել

 | 

որոշումը

 | 

Քոչարյանի

 | 

խափանման

 | 

միջոցի

 | 

հարցով

 | 

անհապաղ

 | 

հրավիրել

 | 
Most Popular (6 hours)

Most Popular (24 hours)

Most Popular (a week)

Sources