Friday 20 September 2019
Home      All news      Contact us      English
tert.am - 10 days ago

Յուրաքանչյուր, հատկապես հասարակական հնչողություն ունեցող արտակարգ դեպք մանրակրկիտ վերլուծվում է․ ԱԻՆ-ը պարզաբանում է

Վերջին շրջանում ԶԼՄ-ներում շրջանառվում են տեղեկություններ հրշեջ-փրկարարների՝ դեպքի վայր ուշ հասնելու, պատշաճ չաշխատելու, հրդեհշիջման ժամանակ օպերատիվություն չցուցաբերելու վերաբերյալ: Այս մասին հայտնում է ԱԻՆ-ը։ Տեսակետ է հնչել, որ ս․ թ․ հուլիսի 6-ին՝ Երևան-Մեղրի ավտոճանապարհի 54-րդ կմ հատվածում, Զոդի կամրջի վրա տեղի ունեցած ողբերգական դեպքի ժամանակ ԱԻՆ-ը մոտ մեկ ժամ համարյա բան չի արել: Թյուրիմացությունից խուսափելու համար նշենք, որ մայրաքաղաքի խցանումների և ԱԻՆ ունեցած տեխնիկայի պայմաններում հրշեջ-փրկարարները ջանում են իրագործել նույնիսկ անհնարինը: Զոդի դժբախտ պատահարի հետ կապված տեղեկացնում ենք, որ ԱԻՆ Ճգնաժամային կառավարման ազգային կենտրոնում ահազանգը ստացվել է 15:12-ին, որից 4 րոպե անց հրշեջ-փրկարարական մեկ մարտական հաշվարկ ժամանել է դեպքի վայր, ևս 9 րոպե անց հասել է երկրորդ մեքենան: Հրդեհը մեկուսացվել է 15:35-ին, մարվել՝ 15:45-ին: Հրշեջ-փրկարարները գործել են բացառիկ օպերատիվությամբ՝ իրականացնելով իրենց գործառնական պարտականությունները: Ցավոք, այդուհանդերձ, հնարավոր չեղավ խուսափել զոհերից: Չմտնելով այլ պատկան մարմինների իրավասության և պարտականության տիրույթ՝ նշենք, որ վարորդների բուժսպասարկման, մեքենաների շահագործման, տեխնիկական հսկողության, գազաբալոնների տեղակայման և փորձարկման, օգտագործվող վառելանյութի տեսակի հետ կապված հարցերը դուրս են ԱԻՆ գործառույթներից: Միաժամանակ տեղեկացնում ենք, որ նախարարի հանձնարարությամբ, յուրաքանչյուր, հատկապես հասարակական հնչողություն ունեցող արտակարգ դեպք մանրակրկիտ վերլուծվում է, պարզաբանվում են մանրամասները՝ հետագայում նման և այլ դեպքեր կանխարգելելու նպատակով: Անվանական պատասխանատվություն է սահմանվում թերացողների նկատմամբ և նույն կերպ խրախուսվում են աշխատանքը պատշաճ կատարած աշխատակիցները:

Related news

Latest News
Hashtags:   

Յուրաքանչյուր

 | 

հատկապես

 | 

հասարակական

 | 

հնչողություն

 | 

ունեցող

 | 

արտակարգ

 | 

մանրակրկիտ

 | 

վերլուծվում

 | 

պարզաբանում

 | 
Most Popular (6 hours)

Most Popular (24 hours)

Most Popular (a week)

Sources