Tuesday 17 September 2019
Home      All news      Contact us      English
azatutyun - 8 days ago

ՀԿ-ի տնօրենը պնդում է, թե ԿԳՄՍ նախարարությունում կոռուպցիոն գործարք են բացահայտել

«Հայաստանի մշակութային հիմնադրամ» հասարակական կազմակերպության տնօրեն Մանուկ Նիգոյանն այսօր հրավիրած ասուլիսին անդրադառնալով ՀՀ կրթության, գիտության, մշակույթի, սպորտի նախարարության աշխատանքներին՝ ասաց, որ նկատել են կոռուպցիոն գործարք, որի մասին ուզում են բարձրաձայնել: Նա նշեց, որ օրեր առաջ ՀՀ կրթության, գիտության, մշակույթի և սպորտի նախարարությունը հրապարակել է երրորդ եռամսյակի ընթացքում դրամաշնորհային հաղթած ծրագրերի անունները, և ցուցակից պարզվել է, որ Գրքի երևանյան 3-րդ փառատոնն անցկացնելու համար դրամաշնորհ է տրվում «Մշակութային հասարակություն» հասարակական կազմակերպությանը: Թվում է, թե որևէ արտառոց բան չկա, բայց, ըստ Մանուկ Նիգոյանի, այդ փառատոնի ֆինանսավորումը դրամաշնորհով կատարելը օրենքի խախտում է, որովհետև այն պիտի անցկացվեր մրցույթով, և դեռ 2018 թվականին հուլիսի 2-ին Մշակույթի նախարարության կայքում հրապարակվել է Գրքի երևանյան 2-րդ փառատոնի անցկացման հետ կապված մի հայտարարություն, որում ասված է․ «Հայաստանի Հանրապետության մշակույթի  նախարարությունը շահույթ չհետապնդող կազմակերպությունների շրջանում հայտարարում է Գրքի երևանյան 2-րդ եռօրյա փառատոնի կազմակերպիչ դառնալու մրցույթ»: Իսկ այս տարի փաստորեն առանց մրցույթի դրամաշնորհ է հատկացվել մի մշակութային հասարակական կազմակերպության, որի հիմնադիր ղեկավարը, Նիգոյանի խոսքով, Մշակույթի նախարարության ենթակայությամբ գործող Ազգային գրադարանի պաշտոնատար անձանցից մեկն է՝ Հասմիկ Խեչիկյանը․ - ««Ազգային գրադարան» ՊՈԱԿ-ի հաստիքացուցակում գտնում ենք Հասմիկ Խեչիկյանի անուն-ազգանունը՝ գրականության հանրահռչակման բաժնի պետ: Գրականության հանրահռչակման բաժինը «Ազգային գրադարան» ՊՈԱԿ-ի կառուցվածքային ստորաբաժանումներից մեկն է, որը անցկացնում է Հայաստանի Հանրապետության մշակույթի նախարարության գրական դրամաշնորհային ծրագրերին, գրականությանը և մամուլին տրվող աջակցության մրցույթները, վերահսկում է ֆինանսավորում ստացած գրական մամուլի և գրքերի հրատարակման կամ գնման գործընթացները, կազմում պետական պատվերով և պետական աջակցությամբ տպագրված գրքերի անվճար բաշխումը: Արձանագրելով բոլոր այս փաստաթղթերում զետեղված ինֆորմացիաները՝ փաստում ենք հետևյալը․ Հայաստանի Հանրապետության մշակույթի նախարարությունում պաշտոն զբաղեցնող Հասմիկ Խեչիկյանը, ով հանդիսանում է այնպիսի բաժնի ղեկավար, որի լիազորությունների սահմանում դրված է Մշակույթի նախարարության մրցույթների անցկացման և դրանց վերահսկման լիազորությունը, առանց մրցույթի ստացել է Գրքի երևանյան փառատոնն իրականացնելու համար ֆինանսավորում Մշակույթի նախարարությունից»:      Փաստորեն, նախարարության պաշտոնյան դրամաշնորհ է ստացել նախարարությունից իր հասարակական կազմակերպության համար՝ իրականացնելու նախարարության ծրագրերից մեկը, կազմակերպելու «Գրքի երևանյան 3-րդ փառատոնը»: Նիգոյանն ասաց, որ այս մասին բարձրաձայնել է նաև հանձնաժողովի անդամներից մեկը՝ գրականագետ Հայկ Համբարձումյանը․ - «Պարոն Համբարձումյանը ինձ հայտնեց, որ իրենք, տեսնելով Գրքի երևանյան փառատոնի հայտը այդ հասարակական կազմակերպության կողմից, բարձրաձայնել են խնդրի մասին և հիշեցրել են, որ դա մրցութային ընթացակարգով իրականացվող ծրագիր է, և տալ մեկ կազմակերպության առանց մրցույթի, այն էլ՝ դրամաշնորհային ծրագրի շրջանակում, խախտում է»: Ուշագրավ է, որ անցյալ տարի Մանուկ Նիգոյանը մասնակցել է նախարարության հայտարարած մրցույթին, ու չնայած առաջարկել է «Գրքի երևանյան 2-րդ փառատոնն» առանց պետական միջոցների կազմակերպել իրենց հասարակական կազմակերպության ձեռք բերած միջոցների հաշվին՝ ներդնելով 23 մլն դրամ, նրա առաջարկն այդպես էլ չի ընդունվել: Իսկ այս տարի, նրա խոսքով, անգամ մրցույթ չի հայտարարվել և դրամաշնորհ է տրվել նախարարության պաշտոնյային՝ կազմակերպելու Գրքի երևանյան 3-րդ փառատոնը: Մանուկ Նիկոյանի համոզմամբ, այս փառատոնը կարող են ֆինանսավորել գովազդային շահ հետապնդող կազմակերպություններ, և կարելի է պետբյուջեից գումար չծախսել․ - «Դա մասնավոր սեկտորի դաշտում գտնվող փառատոն է․ մասնակցում են մասնավոր ընկերություններ, հրատարակիչներ, որոնք բիզնես ընկերություններ են, հետապնդում են իրենց բիզնես շահերը, հետևաբար ինչու պիտի Մշակույթի նախարարությունը, ըստ օդում կախված լուրերի, 13 միլիոն դրամ հատկացնի՝ իրականացնելու մի ծրագիր, որի արդյունքում գրահրատարակիչները և գրախանութները պիտի ստանան շահույթ: Բայց եթե կան մարդիկ, որոնք պատրաստ են առանց պետական բյուջեից գումարներ ծախսելու իրականացնել այս ծրագիրը, ինչո՞ւ Մշակույթի նախարարությունը դրան չի գնում: Մշակույթի նախարարության որոշ պաշտոնյաներ փորձում են պետական բյուջեից ստացած հատկացումները կիրառել ի շահ իրենց անձնական նպատակների»:     Մանուկ Նիկոյանը նախարարությունից պահանջում է «անհապաղ չեղյալ համարել վերջին եռամսյակի համար հատկացված մշակութային ծրագրերի ֆինանսավորման որոշումը»:

Related news

Latest News
Hashtags:   

տնօրենը

 | 

պնդում

 | 

նախարարությունում

 | 

կոռուպցիոն

 | 

գործարք

 | 

բացահայտել

 | 
Most Popular (6 hours)

Most Popular (24 hours)

Most Popular (a week)

Sources