Saturday 21 September 2019
Home      All news      Contact us      English
azatutyun - 14 days ago

Իրանը ուրանի գազ է լցնում ցենտրիֆուգներ

Իրանը սկսել է ուրան պարունակող գազով լցնել արդիական ցենտրիֆուգները, ինչը հակասում է 2015 թվականի միջուկային համաձայնագրին: Այս ցենտրիֆուգների միջոցով բարձր աստիճանի հարստացման ուրան է ստացվում:  Իրանի ատոմային էներգիայի կազմակերպության խոսնակ Բեհրուզ Կամալվանդին այսօր հայտնել է նոր՝ ավելի հզոր ցենտրիֆուգների շահագործումը սկսելու մասին: Երկու օր առաջ Իրանի տեղեկացրել է, որ մեկնարկել  2015 թվականի համաձայնագրով ստանձնած պարտավորություններից հրաժարվելու երրորդ փուլը: Միացյալ Նահանգները 2018 թվականի մայիսին է նախագահ Դոնալդ Թրամփի որոշմամբ դուրս է եկել համաձայնագրից, վերականգնել և էլ ավելի խստացրել Իրանի նկատմամբ սահմանած պատժամիջոցները: Թրամփը պնդում է, որ նախագահ Բարաք Օբամայի օրոք կնքված այդ «խայտառակ համաձայնագիրը» Թեհրանին պետք է սոսկ ժամանակ շահելու և ատոմային ռումբ ստեղծելու համար: Փաստաթուղթը կնքած Եվրամիությունը, Ռուսաստանը և Չինաստանը համաձայնագրի պահպանման կողմնակիցներ են: 2015 թվականի համաձայնագրով Իրանը պետք է սահմանափակեր միջուկային ակտիվությունը, դրա դիմաց գերտերությունները պետք է աստիճանաբար թուլացնեին պատժամիջոցները և վերականգնեին բնականոն տնտեսական կապերը Թեհրանի հետ:

Related news

Latest News
Hashtags:   

Իրանը

 | 

ուրանի

 | 

լցնում

 | 

ցենտրիֆուգներ

 | 
Most Popular (6 hours)

Most Popular (24 hours)

Most Popular (a week)

Sources