Sunday 15 September 2019
Home      All news      Contact us      English
tert.am - 12 days ago

Իրանը միջուկային գործարքին վերադառնալու համար Եվրոպայից 15 մլրդ դոլարի չափով վարկ է պահանջել

Միջուկային գործարքին վերադառնալու համար Եվրոպան պետք է կա՛մ Թեհրանից նավթ կգնի, կա՛մ մինչև տարեվերջ 15 մլրդ դոլարի չափով վարկ տրամադրի: Այդ մասին, ինչպես հայտնում է ria.ru գործակալությունը, հայտնել է Իրանի փոխարտգործնախարար Աբբաս Արաքչին: Մեր տեսանկյունից՝ Գործողությունների համատեղ համապարփակ պլանի ամբողջական իրագործմանը վերադարձը կախված է 4 ամսում 15 մլրդ դոլար ստանալուց: Հակառակ դեպքում համաձայնագրով ստանձնած պարտավորությունների կրճատման գործընթացը կշարունակվի ,- ասել է նա: Արաքչիի խոսքով՝ նման վարկը նավթի կանխավճարը կլինի : Երկուշաբթի Իրանի ԱԳ նախարարը հայտնել էր, որ համաձայնագրով ստանձնած պարտավորությունների կրճատման երրորդ պատասխան քայլը պատրաստ է, և նախագահ Հասան Ռոհանին այդ մասին կհայտարարի սեպտեմբերի 4-ին: Հիշեցնենք, որ 2015 թվականին Իրանն ու միջազգային միջնորդ վեցյակը ՝ Ռուսաստան, ԱՄՆ, Մեծ Բրիտանիա, Չինաստան, Ֆրանսիա, Գերմանիա, հասել են իրանական միջուկային ծրագրի շուրջ պատմական համաձայնության: Ընդունվել է Գործողությունների համատեղ համապարփակ ծրագիր, որի դրույթներին հետևելն ազատել է Իրանին իր նկատմամբ ՄԱԿ-ի ԱԽ-ի, Եվրամիության ու ԱՄՆ-ի սահմանած տնտեսական ու ֆինանսական պատժամիջոցներից: Սակայն 2018 թվականի մայիսին ԱՄՆ նախագահ Դոնալդ Թրամփը հայտարարել է, որ Վաշինգտոնը դուրս է գալիս համաձայնագրից, ինչպես նաև հայտնել է, որ ԱՄՆ-ն վերականգնում է Իրանի նկատմամբ սահմանած բոլոր պատժամիջոցները, այդ թվում՝ այն երկրների նկատմամբ, որոնք բիզնես են վարում Իրանի հետ: Ի պատասխան՝ Իրանը նույնպես դադարել էր համաձայնագրի մի շարք կետերի կատարումը։ Գործարքի եվրոպական մասնակիցները հայտարարել են համաձայնագրի պահպանման մտադրության մասին։

Related news

Latest News
Hashtags:   

Իրանը

 | 

միջուկային

 | 

գործարքին

 | 

վերադառնալու

 | 

համար

 | 

Եվրոպայից

 | 

դոլարի

 | 

չափով

 | 

պահանջել

 | 
Most Popular (6 hours)

Most Popular (24 hours)

Most Popular (a week)

Sources