Thursday 21 November 2019
Home      All news      Contact us      English
tert.am - 3 month ago

Ակներև է, որ կառավարության ներսում էլ Ամուլսարի հանքի շահագործման հարցում չկա միասնական դիրքորոշում, և դա է ճգնաժամի սպառնալիք ստեղծում. Նարինե Դիլբարյան

Ակներև է, որ կառավարության ներսում էլ Ամուլսարի հանքի շահագործման հարցում չկա միասնական դիրքորոշում և դա է ճգնաժամի սպառնալիք ստեղծում. Tert.am-ի հետ զրույցում նման տեսակետ հայտնեց Ժառանգություն կուսակցության փոխնախագահ Նարինե Դիլբարյանը: Կառավարությունում կա դիրքորոշումների տարբերություններ: Կառավարման ճգնաժամը, որի մասին քանիցս խոսել է Ժառանգությունը , հիմա առավել ակնառու է դառնում: Տեսե՛ք, բոլոր սլաքները ուղղում են դեպի փոխվարչապետ Տիգրան Ավինյանը, նրան համարում են հանքի շահագործման լոբբիստը, նրա քայլերը քննադատում են, նա էլ պարբերաբար սոցցանցերում ստատուսներ է գրում և տպավորություն է, որ ինքը մենակ է մնացել: Նիկոլ Փաշինյանը մեկ ելույթ ունեցավ, հետո փորձեց, կարծես, հետքայլ անել՝ հայտարարելով, թե միգուցե նորից պետք է ուսումնասիրեն և այլն: Այսինքն՝ ակներև է, որ միասնական դիրքորոշում չկա ,-ասաց Դիլբարյանը և հավելեց, որ գուցե մի մասին նույնիսկ վախեցնում են գրառումները նոր հեղափոխության մասին: Նոր հեղափոխության ուրվականներ են փնտրում և այլն, բայց ինձ թվում է Հայաստանի արդյունաբերական զարգացման ուրվականը պետք է ճշտել և ոչ թե ընկնել հեղափոխության ուրվականների հետևից: Երբ կառավարությունը կարողանա իսկապես հայեցակարգային հարցի լուծումը ներկայացնել, ապա, կարծում եմ, հանրային կոնսենսուսին կմոտենանք ,-ասաց նա: Նարինե Դիլբարյանը, ներկայացնելով իրենց կուսակցության տեսակետը՝ նշեց, որ Ժառանգությունը կարևում է ոչ միայն առանձին հանքի՝ ինչպիսին Ամուլսարն է, շահագործումը, այլ ընդհանրապես հանքարդյունաբերության տարիներով կուտակված խնդիրների վերաբերյալ պետական քաղաքագիտական և մասնագիտական համերաշխ դիրքորոշման ձևավորումը: Ժառանգությունը գտնում է, որ այսօր հասարակության մեջ ակնհայտ նկատվում է պառակտում և հախուռն զգայական մոտեցումների գերակայում: Մենք նորից գլորվում ենք զգացմունքների գիրկը, իսկ զգացմունքները մասնագիտական և ազգային անվտանգության հարցերում վատ խորհրդատու են: Այսինքն՝ պետք է ոչ թե ուժային միջոցներ կիրառել կամ եզրակացնել, որ ցանկացած հանքի արդյունահանում կործանում է, այլ պետք է ուսումնասիրել միջազգային փորձը, համադրել խորհրդային տարիների փորձի հետ: Բացի այդ, պետք է ուսումնասիրությունները տարածել ոչ թե միայն Ամուլսարի, այլ բոլոր հանքարդյունաբերական ոլորտի խնդիրների վրա: Դատելով փորձագիտական գնահատականներից՝ Ամուլսարը, կարծես, մի քանի քայլ առաջ է մեր այն հանքերի արդյունահանման տեխնոլոգիաներից, որոնք կիրառվում են: Այսինքն՝ նրանք բերում են ժամանակակից տեխնոլոգիաներ: Գուցե պետք է դրանք ավելի հստակեցնել, ճշգրտել հանքի բաց կորզման խնդիրների լուծման և մնացյալի խնդիրների մասով, բայց այդ խնդիրներն անհնար է լուծել փողոցում, ԱԺ-ի դիմաց, այգիներում, ճանապարհները փակելով. այդպես լուծումներ չենք ստանա ,-ասաց նա: Նարինե Դիլբարյանը հիշեցրեց, որ նման իրավիճակում հայտնվել ենք անկախության տարիների ամենասկզբում, երբ նման կերպ հախուռն սկսեցին նշել, որ ատոմակայանը վտանգ է ներկայացնում: Այն իր մեջ, իհարկե, պարունակում է իրականություն և եթե հիշում եք՝ այն տարիներին ատոմակայանը ևս կանգ առավ և բարի մտադրություններից ծնված մեր էներգիան ուղղվեց դեպի քիմիական արդյունաբերությունը, որը նախկին Հայաստանի հզորագույն արդյունաբերական ճյուղերից մեկն էր: Արդյունքում՝ փակվեց Նաիրիտ -ը, ապա Վանաձորի Քիմպրոմ -ը, այնուհետև կործանեցինք մեր քիմիական արդյունաբերությունը: Մինչ այսօր էլ այն ոտքի հանել չենք կարող ,-ասաց նա: Ըստ նրա՝ Ժառանգություն -ը պատրաստ է նախաձեռնելու հանրային քննարկումներ, մասնագիտական և քաղաքական հարթակում. Մասնագիտականը շատ կարևորում ենք, (ընդ որում՝ մասնագիտական ասելով՝ նկատի ունենք հենց մասնագետ, ոչ թե ազնիվ մղումներից ծնված բնապահպաններ) պետք է երկրաբանների, բժիշկների, ակադեմիական հիմնարկներից ներկայացուցիչների հավաքել և լսել նրանց եզրակացությունը: Այո Էլարդ -ը տվեց իր եզրակացությունը և այդ կազմակերպության հանդեպ ուսումնասիրությունը որքան էլ տարասեռ լինի, այդուհանդերձ, ինչ-որ ուսումնասիրություններ նրանք հստակ կատարել են և մատնանշումներ էլ կան, ուստի պետք է չշտապել, հանրային քննարկումներ կատարել, որից հետո կպարզվի ճշմարտության ամբողջ երեսը ,-ասաց նա: Հարցին, թե ինչպես են վերաբերում որոշ քաղաքական ուժերի առաջարկին՝ Ամուլսարի հարցով հանրաքվե անցկացնելու, կուսակցության փոխնախագահը նշեց. Կարծում եմ, որ մինչև մասնագիտական դիրքորոշման ձևավորումը հանրաքվեին դիմելը պարզապես միամտություն է կամ հարցի ճշգրիտ լուծումից ձերբազատվելու եղանակ: Քաղաքացին իրազեկված չէ: Հետո էլ շարքային քաղաքացին պարտադիր չէ, որ իմանա բաց եղանակով հանքակորզման եղանակների խորությունը: Պետք չէ հասարակության ուսերին դնել մասնագիտական, պետական անվտանգային քննարկումը: Հանրաքվեն կարող է վերաբերվել երկրի անվտանգությանը, երկրի ռազմավարական դաշնակիցներ ընտրելուն, բայց արդյունաբերական, տնտեսական, գիտական խնդիրները հանրաքվեի միջոցով լուծելը, այն էլ եթե լուծվի այս զգայական մթնոլորտում, առանց մասնագիտական գնահատականների, ճիշտ չէ :

Related news

Latest News
Hashtags:   

Ակներև

 | 

կառավարության

 | 

ներսում

 | 

Ամուլսարի

 | 

հանքի

 | 

շահագործման

 | 

հարցում

 | 

միասնական

 | 

դիրքորոշում

 | 

ճգնաժամի

 | 

սպառնալիք

 | 

ստեղծում

 | 

Նարինե Դիլբարյան

 | 
Most Popular (6 hours)

Most Popular (24 hours)

Most Popular (a week)

Sources