Monday 18 November 2019
Home      All news      Contact us      English
tert.am - 3 month ago

Մենք շուրջ 1 ու կես տարի առաջ Ամուլսարի ճակատագիրը որոշել ենք. ոչ մի կերպ թույլ չենք տալու հանքի շահագործումը. Շիրակ Բունիաթյանը՝ վարչապետի հայտարարության մասին

Մենք շուրջ մեկուկես տարի առաջ Ամուլսարի ճակատագիրը որոշել ենք, ոչ մի կերպ թույլ չենք տալու Ամուլսարում հանք շահագործել: Այս մասին Tert.am-ի հետ զրույցում ասաց Դեմ եմ Ամուլսարում հանքաարդյունաբերությանը նախաձեռնության հեղինակ, Ջերմուկ քաղաքի բնակիչ Շիրակ Բունիաթյանը՝ անդրադառնալով վարչապետի՝ Ամուլսարի հարցով ուղիղ եթերի ընթացքում հնչեցրած հայտարարություններին: Վարչապետի հետ երեկվա հանդիպումից հետո մեզ համար արդեն պարզ էր իր դիրքորոշումը, այն, թե ինչ պետք է ասի երեկոյան ուղիղ միացման ժամանակ: Բայց մենք շուրջ մեկուկես տարի առաջ Ամուլսարի ճակատագիրը որոշել ենք՝ Ամուլսարը պետք է սար մնա, և մեզ իր զորակցությունը, աջակցությունն է հայտնել հասարակության ամբողջ խելամիտ հատվածը: Մեր որոշումը շարունակում է մնալ անփոփոխ, չենք հուսահատվել, մեր որոշման մեջ անկոտրում ենք ,- նշեց Շիրակ Բունիաթյանը: Նրա խոսքով՝ Ամուլսարի պահապանները, որոնք 1 տարուց ավելի է՝ փակ են պահում հանք տանող ճանապարհները, շարունակելու են խաղաղ՝ բաց ձեռքերի պայքարը: Եթե կառավարությունը ոստիկանական ուժեր ուղարկի և պահապաններին հեռացնելու գործողություն անի, որին չեմ ուզում հավատալ, մենք պահպանելու ենք ի սկզբանե մեր որդեգրած դիրքորոշումը, որ ամեն ինչ պետք է լինի խաղաղ, բաց ձեռքերով: Բայց այն, որ ոչ մի կերպ թույլ չենք տալու Ամուլսարում հանք շահագործել, քննարկման ենթակա չէ ,- ասաց Դեմ եմ Ամուլսարում հանքաարդյունաբերությանը նախաձեռնության հեղինակը: Շիրակ Բունիաթյանը նշում է, որ համայնքները պետք է որոշեն իրենց զարգացման ճանապարհը: Ըստ նրա՝ Ջերմուկը պետք է ոչ թե հանքարդյունաբերությամբ, այլ զբոսաշրջությամբ զարգանա: Հայաստանում տեղի ունեցած հեղափոխությունը տարբեր մարդկանց մոտ տարբեր ձևով ընկալվեց: Մարդ կա դա իր համար ժամանակավոր իշխանություն է, բայց մեր դեպքում անձի մեջ հեղափոխություն եղավ: Այսինքն՝ մենք հասկացանք, որ մենք ենք տերը մեր երկրի, մնացած դիրքորոշումները կարևոր չեն: Մենք գիտակցում ենք, որ կառավարությունները գալու են, գնան, բայց արժեքները, որ այս հեղափոխության շնորհիվ ներդրվել են մեր հասարակության մեջ, մնալու են: Այդ հոգեբանությամբ, որ մենք մեր երկրի տերն ենք, մեր ծննդավայրում, քաղաքում, հայրենիքում պետք է որոշենք՝ ոնց ենք ուզում ապրել ,- նշեց նա:

Related news

Latest News
Hashtags:   

շուրջ

 | 

Ամուլսարի

 | 

ճակատագիրը

 | 

որոշել

 | 

թույլ

 | 

տալու

 | 

հանքի

 | 

շահագործումը

 | 

Շիրակ

 | 

Բունիաթյանը՝

 | 

վարչապետի

 | 

հայտարարության

 | 

մասին

 | 
Most Popular (6 hours)

Most Popular (24 hours)

Most Popular (a week)

Sources