Friday 23 August 2019
Home      All news      Contact us      English
tert.am - 9 days ago

Հետազոտողները հայտնել են, որ 2000-ամյա բաղադրատոմսով վերստեղծել են Կլեոպատրայի օծանելիքը (լուսանկարներ)

Գիտնականները հայտնել են, որ 2000-ամյա բաղադրատոմսով վերստեղծել են Եգիպտոսի ամենահայտնի թագուհի Կլեոպատրայի օծանելիքը, գրում է Daily Mail-ը: Աղբյուրը մանրամասնում է, որ տասնամյակներ տևած հնագիտական պեղումների արդյունքում Եգիպտոսի մայրաքաղաք Կահիրեի մոտակայքում հայտնաբերվել է Կլեոպատրայի օծանելիքի բաղադրատոմսը, որից հետո գիտնականները հանձն են առել դրա վերստեղծման գործընթացը: Նախագիծն իրականացվել է Հավայիի համալսարանի հետազոտողների կողմից: Խիտ և կպչուն զանգվածով օծանելիքը պատրաստված է զմուռսից (խնկի պես անուշահոտ խեժ), հիլից, ձիթապտղի յուղից և դարչինից: Զանգվածն ավելի խիտ է, քան ժամանակակից օծանելիքները: Այն ձիթապտղի յուղի խտություն ունի, բույրն ավելի ուժեղ է, քան ժամանակակից օծանելիքներինը, և այն մարմնի վրա ավելի երկար է մնում: Մեծ երջանկություն է զգալ այն բույրը, որը 2000 տարի առաջ կարող էր օգտագործած լինել Կլեոպատրան ,- հայտնել է նախագծում ներգրավված գիտնականներից Ռոբերտ Լիթմանը: Բաղադրատոմսի հայտնաբերումից հետո Ռոբերտ Լիթմանը և Ջեյ Սիլվերսթեյնն օծանելիքը վերստեղծելու համար դիմել են հին եգիպտական օծանելիքի փորձագետներ Դորա Գոլդսմիթի և Շոն Քոֆլինի օգնությանը, որոնք հունական տեքստերում հայտնաբերված բանաձևերի հիման վրա վերստեղծել են օծանելիքը: Աղբյուրի հաղորդմամբ՝ օծանելիքն այժմ ցուցադրվում է Վաշինգտոնում գտնվող National Geographic-ի թանգարանում:

Related news

Latest News
Hashtags:   

Հետազոտողները

 | 

հայտնել

 | 

բաղադրատոմսով

 | 

վերստեղծել

 | 

Կլեոպատրայի

 | 

օծանելիքը

 | 

լուսանկարներ

 | 
Most Popular (6 hours)

Most Popular (24 hours)

Most Popular (a week)

Sources