Monday 19 August 2019
Home      All news      Contact us      English
tert.am - 5 days ago

Արդեն մի քանի տարի ՀՀ-ում դաբաղ չի արձանագրվել, ինչը ժամանակին պատվաստելու և խստագույն վերահսկողության արդյունք է. ՍԱՏՄ ղեկավար

ՀՀ ԿԵ սննդամթերքի անվտանգության տեսչական մարմնի ղեկավար Գեորգի Ավետիսյանն ընդունել է Եվրոպական հանձնաժողովի դաբաղի վերահսկողության ծրագրի (EuFMD) փորձագետ Կարսեն Փոթչին և նույն ծրագրի կենդանիների առողջության մասնագետ Բօուդա Վոսուղ Ահմադիին: Այս մասին տեղեկացնում է ՍԱՏՄ լրատվական ծառայությունը: Հյուրերը ներկայացրել են Հայաստանում իրականացված՝ դաբաղի վերահսկման և այդ ոլորտում կարողությունների գնահատման ծրագիրն ու դրա ընթացքը: Կարսեն Փոթչը տեղեկացրել է, որ գնահատված կարիքների և առաջնահերթությունների հիման վրա նախատեսվում է անցկացնել ևս մեկ ծրագիր ընդգրկելով նաև արագ արձագանքման կարողությունների և լաբորատոր հնարավորությունների զարգացման բաղադրիչները: Գեորգի Ավետիսյանը, ողջունելով Եվրոպական այս հեղինակավոր կառույցի Հայաստանում ծրագրեր իրականացնելու նախաձեռնությունը, տեղեկացրել է, որ արդեն մի քանի տարի երկրում դաբաղ չի արձանագրվել, ինչը գյուղատնտեսական կենդանիներին դաբաղի դեմ ժամանակին պատվաստելու և դրա ընթացքի խստագույն վերահսկողության արդյունք է: Կենդանիների առողջության պահպանումը, հիվանդությունների դեմ պայքարը ՍԱՏՄ անմիջական ուշադրության ու հսկողության կենտրոնում է, և ես համոզված եմ, որ մեր համատեղ աշխատանքը կբերի լավագույն արդյունքի ,- ասել է Տեսչական մարմնի ղեկավարը: Նա վստահեցրել է, որ նախատեսվող ծրագրի հաջող իրականացման համար ոլորտը վերահսկող մարմնի կողմից կլինի գործուն աջակցություն:

Related news

Latest News
Hashtags:   

Արդեն

 | 

դաբաղ

 | 

արձանագրվել

 | 

ժամանակին

 | 

պատվաստելու

 | 

խստագույն

 | 

վերահսկողության

 | 

արդյունք

 | 

ղեկավար

 | 
Most Popular (6 hours)

Most Popular (24 hours)

Most Popular (a week)

Sources