Friday 23 August 2019
Home      All news      Contact us      English
tert.am - 9 days ago

Ո՛չ Մելիք Մանուկյանն է կալանավորվածներին ճանաչում, ո՛չ էլ նրանք են պարոն Մանուկյանին ճանաչում, պարզապես պատվեր են կատարել. պաշտպան

ԱԺ նախկին պատգամավոր, գործարար Մելիք Մանուկյանը ցուցմունք է տվել իր դեմ իրականացված մահափորձի գործով։ Այս մասին Tert.am-ի հետ զրույցում ասաց Մելիք Մանուկյանի պաշտպան Հրանտ Գևորգյանը։ Փաստաբանի խոսքով՝ Մելիք Մանուկյանը ցուցմունք է տվել, որ դեպքի պահին մեքենայում չի եղել, ինչպես նաև չի ճանաչում գործով կալանավորված անձանց: Պարոն Մանուկյանը կալանավորվածներին չի ճանաչում, ոչ էլ նրանք են պարոն Մանուկյանին ճանաչում: Պարզապես պատվեր են կատարել ,- ասաց Հրանտ Գևորգյանը։ Ինչ վերաբերում է Քննչական կոմիտեի կողմից Երևան-Սևան մայրուղում տեղի ունեցած պայթյունի եռաչափ մոդելավորմանը, պաշտպանը նշեց, որ տեսանյութում սխալ է ներկայացված պայթյունի պահը։ Պայթյունը տեղի է ունեցել, երբ Մելիք Մանուկյանին պատկանող Ռենջ Ռովեր մակնիշի մեքենայի աջ անիվը հպվել է ճանապարհին, այսինքն, ուղղակիորեն ուղղված է եղել ենթադրյալ Մելիք Մանուկյանի դեմ, եթե նստած լիներ մեքենայում: Իսկ անիմացիայում ներկայացվում է, որ Ռենջ Ռովերն անցել է, նոր է պայթյուն եղել: Պայթյունի պահին նրան ուղեկցող Նիսսան Պատրուլ մակնիշի մեքենան ոչ թե Ռենջ Ռովեր -ի հետևից է ընթացել, այլ նկատելով պայթյունը՝ թեքվել է ձախ, մինչդեռ անիմացիայից տպավորություն է, թե պայթյունն ուղղված է եղել Նիսսան Պատրուլ -ին , ասաց նա: Հրանտ Գևորգյանի տեղեկացմամբ՝ միջնորդություն է ներկայացվել պայթյունի եռաչափ մոդելավորման փոփոխության վերաբերյալ: Հիշեցնենք, որ Երևան-Սևան ավտոճանապարհին պայթյունը տեղի է ունեցել օգոստոսի 2-ին Մելիք Մանուկյանին պատկանող ապակե տարաների գործարանի մոտ։ Դեպքի առթիվ հարուցվել է քրեական գործ ՀՀ ՔՕ-ի 34-104 -րդ հոդվածի 2-րդ մասի 6-րդ կետի՝ շատերի կյանքի համար վտանգավոր եղանակով սպանության փորձը և ՔՕ 235 -րդ հոդվածի 1-ին կետի՝ ապօրինի կերպով զենք-զինամթերք ձեռք բերելը, պահելը հոդվածների հատկանիշներով: Գործի շրջանակներում կալանավորվել է երեք անձ։ Եվս երկու անձ էլ կալանավորված է պայթյունի դեպքի վայրից Մելիք Մանուկյանի մեքենան հեռացնելու համար։ Մելիք Մանուկյանն այս գործով ունի տուժողի կարգավիճակ։

Related news

Latest News
Hashtags:   

Մելիք

 | 

Մանուկյանն

 | 

կալանավորվածներին

 | 

ճանաչում

 | 

նրանք

 | 

պարոն

 | 

Մանուկյանին

 | 

ճանաչում

 | 

պարզապես

 | 

պատվեր

 | 

կատարել

 | 

պաշտպան

 | 
Most Popular (6 hours)

Most Popular (24 hours)

Most Popular (a week)

Sources