Wednesday 21 August 2019
Home      All news      Contact us      English
tert.am - 7 days ago

«ՍԵՔՅՈՒՐԻԹԻ ԴՐԻՄ»-ի հիմնադիրը չի ընդունում մեղադրանքը ապացույց չկա, բոլորը ենթադրությունների շրջանակում են. պաշտպան

ՍԵՔՅՈՒՐԻԹԻ ԴՐԻՄ ընկերության հիմնադիր Ալեքսան Զաքարյանը չի ընդունում իրեն առաջադրված մեղադրանքը: Առաջադրված մեղադրանքների տակ որևէ կոնկրետ և իրական ապացույց չկա, բոլորը ենթադրությունների շրջանակներում են: Այս մասին Tert.am-ի հետ զրույցում ասաց ՍԵՔՅՈՒՐԻԹԻ ԴՐԻՄ ՍՊ ընկերության հիմնադիր Ալեքսան Զաքարյանի պաշտպան Արշակ Կարապետյանը: Փաստաբանի խոսքով՝ քննչական մարմնի կողմից առաջադրված մեղադրանքն առանձնապես խոշոր չափերի խարդախության և փաստաթղթեր կեղծելու հոդվածներով է: Մեղադրանքը վերաբերում է նրան, որ իբրև թե Ալեքսան Զաքարյանը խարդախության եղանակով պետությունից հափշտակել է առանձնապես խոշոր չափերի գումար իր գործունեության ընթացքում: Ըստ էության, այն նյութերը, որոնք տրամադրվել են նախաքննական մարմնի կողմից մեզ՝ պաշտպանական կողմին, դրանց ուսումնասիրությունից ակնհայտ է դառնում, որ առաջադրված մեղադրանքների տակ որևէ կոնկրետ և իրական ապացույց չկա, բոլորը ենթադրությունների շրջանակներում են ,- պարզաբանեց Արշակ Կարապետյանը: Հիշեցնենք, որ նախօրեին ՀՀ քննչական կոմիտեից Tert.am-ին հայտնել էին, որ ՍԵՔՅՈՒՐԻԹԻ ԴՐԻՄ ՍՊ ընկերության հիմնադիր Ալեքսան Զաքարյանը և նույն ՍՊԸ-ին ծառայություններ մատուցած Էլիպս ընկերության հաշվապահը ձերբակալվել են: Ներկա պահին բողոքարկման փուլում է ձերբակալման որոշումը ,- հայտնեց Ալեքսան Զաքարյանի պաշտպանը: Ավելի վաղ Քննչական կոմիտեից հայտնել էին, որ ՀՀ քննչական կոմիտեի Երևան քաղաքի քննչական վարչությունում առանձնապես խոշոր չափերի յուրացում կատարելու դեպքի առթիվ հարուցվել է քրեական գործ, որի շրջանակներում ՍԵՔՅՈՒՐԻԹԻ ԴՐԻՄ սահմանափակ պատասխանատվությամբ ընկերության տնօրենը ցուցմունք է տվել այն մասին, որ Ճանապարհային ոստիկանության կողմից ամսական ստացված 70 միլիոն ՀՀ դրամից 43 միլիոն դրամը յուրացվել է ընկերության հիմնադիրների կողմից: Ըստ ցուցմունքի՝ 70 միլիոն ծախսից փաստացի ծախսվել է 27 միլիոն դրամը, իսկ 43 միլիոն դրամը յուրացվել՝ ՍՊ ընկերության հիմնադիրների կողմից:

Related news

Latest News
Hashtags:   

ՍԵՔՅՈՒՐԻԹԻ

 | 

հիմնադիրը

 | 

ընդունում

 | 

մեղադրանքը

 | 

ապացույց

 | 

բոլորը

 | 

ենթադրությունների

 | 

շրջանակում

 | 

պաշտպան

 | 
Most Popular (6 hours)

Most Popular (24 hours)

Most Popular (a week)

Sources