Friday 23 August 2019
Home      All news      Contact us      English
azatutyun - 9 days ago

Բացահայտվել են վարկերի տրամադրման ծառայություններ մատուցող կազմակերպությունների կողմից խոշոր չափերով հափշտակության դեպքեր․ ՔԿ

Պարզվել են քաղաքացիներին վարկերի տրամադրման ծառայություններ մատուցող մի շարք կազմակերպությունների կողմից խարդախությամբ խոշոր չափերով հափշտակություն կատարելու դեպքի մի շարք հանգամանքներ, մեղադրանք է առաջադրվել 6 անձի, տեղեկացնում է Քննչական կոմիտեն: Ըստ հաղորդագրության, քրեական գործով կատարված նախաքննությամբ պարզվել է, որ բնակչությանը վարկերի տրամադրման ծառայություններ մատուցելու պատրվակով ստեղծվել են մի շարք կազմակերպություններ, որոնք գործել են Երևան քաղաքի Մաշտոցի պողոտայում և համացանցում varkov.am, varks.am հղումներով ծառայություններ են գովազդել, մինչդեռ պարզվել է, որ նշված կազմակերպություններն իրականում վարկային կազմակերպություններ չեն. երբ անձը դիմել է նրանց, ընկերության ներկայացուցիչն անձին ուղեկցել է որևէ տեխնիկայի կամ շինանյութի խանութ և միջնորդ է հանդիսացել նրա անվամբ ապառիկով ապրանքներ ձեռք բերելու հարցում, որից հետո հայտնել են, որ իրենց ընկերությունը պատրաստակամ է ձեռք բերել խանութից գնված ապրանքները՝ վճարելով դրա արժեքի 65 տոկոսը: Ստանալով ապրանքները՝ խաբեությամբ քաղաքացիներին ամբողջությամբ կամ մասնակի չեն վճարվել այդ գումարները: Ձեռք բերված բավարար ապացույցների համակցությամբ՝ մեղադրանք է առաջադրվել 6 անձի՝ կազմակերպության տնօրենին մեղադրանք է առաջադրվել՝ Քրեական օրենսգրքի 325-րդ հոդվածի [Փաստաթղթեր, դրոշմներ, կնիքներ, ձևաթղթեր, տրանսպորտային միջոցների հաշվառման համարանիշներ կեղծելը, իրացնելը կամ օգտագործելը] 2-րդ մասով (24 դրվագ), Քրեական օրենսգրքի 178-րդ հոդվածի [Խարդախությունը] 2-րդ մասի 1.1-ին և 2-րդ կետերով (6 դրվագ), Քրեական օրենսգրքի 178-րդ հոդվածի 2-րդ մասի 1.1-ին կետով (4 դրվագ): Վարկերի տրամադրման համար կեղծ տեղեկանք տրամադրող ընկերությունների տնօրեններից մեկին մեղադրանք է առաջադրվել՝ Քրեական օրենսգրքի 189-րդ հոդվածի [Կեղծ ձեռնարկատիրությունը] 1-ին մասով, 325-րդ հոդվածի 2-րդ մասով /15 դրվագ/, մյուս 4-ին՝ Քրեական օրենսգրքի 325-րդ հոդվածի 2-րդ մասով: Նրանց նկատմամբ որպես խափանման միջոց է ընտրվել ստորագրություն չհեռանալու մասին: «Վարույթն իրականացնող մարմինը հորդորում է բնակչությանը զերծ մնալ նման գործարքներ կատարելուց, քանզի անձինք, իրենք իսկ համաձայնելով կատարել նման գործարքներ, ներքաշվում են հանցավոր սխեմայի մեջ, և վարկային ծառայություններ ձեռք բերելու համար դիմել միայն լիցենզավորված կազմակերպություններին»,- ասված է հաղորդագրությունում:

Related news

Latest News
Hashtags:   

Բացահայտվել

 | 

վարկերի

 | 

տրամադրման

 | 

ծառայություններ

 | 

մատուցող

 | 

կազմակերպությունների

 | 

կողմից

 | 

խոշոր

 | 

չափերով

 | 

հափշտակության

 | 

դեպքեր․

 | 
Most Popular (6 hours)

Most Popular (24 hours)

Most Popular (a week)

Sources