Friday 23 August 2019
Home      All news      Contact us      English
azatutyun - 9 days ago

«Հայաստանի և ԱՄՆ-ի միջև ամենաբարձ մակարդակով հանդիպումը եղել և մնում է մեր օրակարգում»․ Մնացականյան

«Հայաստանի և ԱՄՆ-ի միջև ամենաբարձ մակարդակով հանդիպումը եղել և մնում է մեր օրակարգում», - այսօր Ուրուգվայի արտգործնախարարի հետ համատեղ ասուլիսի ժամանակ,«Ազատության» հարցին ի պատասխան, ասաց Հայաստանի արտգործնախարար Զոհրաբ Մնացականյանը։ «Վստահ եմ, որ այդ պահը կգա, բայց նույնիսկ ներկայիս դինամիկային եթե մենք գնահատական տանք, տեսնենք, թե ինչ հանդիպումներ են եղել, ինչ մակարդակներով և ինչ հաճախականությամբ, այդ առումով որևէ դեֆիցիտ քաղաքական երկխոսության բարձր մակարդակով մենք Միացյալ Նահանգների հետ չենք ունեցել այս տարվա ընթացքում։ Սա նույնպես շարունակական է լինելու, շարունակական ծրագրերը մեր առջև են, մենք բազմաթիվ օրակարգային հարցեր ունենք, որոշ հարցեր խնդրահարույց են, որոշ հարցեր վերաբերում են հաջորդ քայլերին, բայց սա շատ նորմալ է այն առումով, որ սա երկու գործընկերների միջև հարաբերություններ են, օրակարգային հարցերը մշտապես քննարկման առարկա են։ Մենք երբևէ չենք ունեցել որևէ խնդիր մեր հարցերն ամենաբարձր մակարդակով քննարկելու և սա շարունակական գործընթաց է»,- ասաց Մնացականյանը։ Անդրադառնալով ղարաբաղյան խնդրի խաղաղ կարգավորման գործընթացին, արտգործնախարարը նշեց՝ բանակցային դինամիկան պահպանվում է։ «Իրականում նախատեսվում է հանդիպումների շարունակություն, մենք երբևէ սպասեցնել չենք տվել, դինամիկայի առումով մենք բավական ակտիվ ենք և մտադրություն չունենք փոխելու մեր մոտեցումը, ինչ վերաբերում է ժամկետներին նորից պետք է խնդրեմ մի փոքր համբերությամբ լցվել, որովհետև ես սկզբունքային եմ համարում այն, որ հանդիպման մասին հայտարարվում է  այն ժամանակ, երբ որ համաձայնեցվում է համանախագահների և մյուս կողմի հետ»,- ասաց Հայաստանի արտաքին գերատեսչության ղեկավարը։

Related news

Latest News
Hashtags:   

Հայաստանի

 | 

ամենաբարձ

 | 

մակարդակով

 | 

հանդիպումը

 | 

մնում

 | 

օրակարգում

 | 

Մնացականյան

 | 
Most Popular (6 hours)

Most Popular (24 hours)

Most Popular (a week)

Sources