Wednesday 21 August 2019
Home      All news      Contact us      English
tert.am - 8 days ago

Կգա՞ արդյոք Ռոհանին Հայաստան, ու ի՞նչ կստանան ԵԱՏՄ անդամները Իրանի հետ համագործակցությունից. մեկնաբանում է Արմեն Իսրայելյանը (տեսանյութ)

Դեռևս պաշտոնական հաստատում, որ Ռոհանին կգա Հայաստան, չկա: Այս մասին Tert.am-ի հետ զրույցում ասաց իրանագետ Արմեն Իսրայելյանը՝ խոսելով վարչապետ Նիկոլ Փաշինյանի հայտարարության մասին՝ ԵԱՏՄ շրջանակներում Իրանի նախագահին Հայաստան հրավիրելու վերաբերյալ: 2019թ.-ին ԵԱՏՄ բոլոր երկրները վավերացրին Իրանի հետ համագործակցության մասին համաձայնագիրը: Հայաստանն իրանական կողմի հետ բանակցություններում առաջարկում էր տնտեսական մաքսատուրքերը հայկական ապրանքատեսակների մասով մեղմացնել, տալ արտոնություններ, ինչը մենք ստացանք ԵԱՏՄ շրջանակներում ,- ասաց Իսրայելյանը: Իրանագետը նկատեց, որ Իրանի համար ԵԱՏՄ հետ համագործակցությունն ունի քաղաքական ու տնտեսական նշանակություն:

Իսրայելյանն ասաց, որ Ռոհանիի առաջնահերթություններից է հարևան երկրների հետ տնտեսական կապերի ամրացումը, տեղական արտադրանքի արտահանումը, հետևաբար պաշտոնական Թեհրանը փորձում է միջուկային համաձայնագրի ոչ արդյունավետ կատարման հետևանքով առաջացած խնդիրը լուծել ու ԵԱՏՄ-ն կդառնա մեծ շուկա Իրանի համար: Արմեն Իսրայելյանի խոսքով՝ ԵԱՏՄ հետ համագործակցությունը Իրանի համար հեռանկարային է լարված իրավիճակում նոր դաշնակիցներ ձեռքբերելու ճանապարհին : Հնարավոր ռիսկերի առաջացման դեպքում Իրանն ուզում է այլընտրանք ունենալ: Գուցե Ռուսաստանի հետ փոխայցելությունները ակտիվացել են, բայց Իրանը հենց այսօր Եվրոպայի հետ ավելի ակտիվ շփումներ ունի, քան ռուսական կողմի հետ: Սա ամեն դեպքում չի նշանակում, որ որևէ վեկտորին անուշադրության են մատնում ,- հավելեց իրանագետը: Մանրամասները՝ տեսանյութում:

Related news

Latest News
Hashtags:   

արդյոք

 | 

Ռոհանին

 | 

Հայաստան

 | 

կստանան

 | 

անդամները

 | 

Իրանի

 | 

համագործակցությունից

 | 

մեկնաբանում

 | 

Արմեն

 | 

Իսրայելյանը

 | 

տեսանյութ

 | 
Most Popular (6 hours)

Most Popular (24 hours)

Most Popular (a week)

Sources