Friday 23 August 2019
Home      All news      Contact us      English
tert.am - 10 days ago

Աղբահանության խնդրի լուծման փոխարեն ականատես եղանք «Ազիզյանների» դերակատարի և ՀԺ-ի նախկին խմբագրի միջև վատ բեմադրված հարցազրույցի․Սամվել Ֆարմանյան

Ինչպես Երևանում ապրող բնակիչներից շատ-շատերը, այնպես էլ ես սպասում էինք, որ քաղաքապետի և վարչապետի միջև տեղի ունեցած հանդիպման ժամանակ տրվեր մեր՝ քաղաքացիներիս հուզող հարցի պատասխանը՝ ի վերջո Երևանն ինչքա՞ն ժամանակ է մնալու աղբի մեջ: Ես, ցավոք սրտի, լուծումներ տեսնելու փոխարեն ականատես եղա երկու դերասանների երկխոսության կամ ավելի դիպուկ ասած՝ Ազիզյաններ -ի դերակատարի և Հայկական ժամանակ օրաթերթի նախկին գլխավոր խմբագրի միջև վատ բեմադրված հարցազրույցի: Ֆեյսբուքյան ուղիղ եթերի ժամանակ այս մասին ասաց քաղաքական, հասարակական գործիչ Սամվել Ֆարմանյանը՝ անդրադառնալով ՀՀ վարչապետ Նիկոլ Փաշինյանի և քաղաքապետ Հայկ Մարությանի քննարկմանը Երևանի աղբահանության թեմայով: Սա ինձ մոտ մի դեպքի տպավորություն թողեց, որ ուսանողական տարիներին կային ուսանողներ, որոնք վատ էին պատրաստվում քննություններին, դասախոսների հետ նախօրոք պայմանավորվում էին, փողը տալիս էին և մի էդպիսի բեմադրություն էր լինում. դասախոսն իբր հարցեր էր տալիս, ուսանողը պատասխանում էր, վերջում գնահատականը ստանում ու դուրս էր գալիս: Ես ցավով արձանագրում եմ, որ, խոշոր հաշվով, Երևանը շարունակելու է մնալ աղբի մեջ: Առողջ տրամաբանությամ երբ ասում ես՝ մաքրելու ենք, նշանակում է, որ դու գիտես խնդիրները, պատճառները, լուծման ուղիները և ռիսկով գնում ես մաքրելու : Դիմելով ՀՀ վարչապետին և քաղաքապետին՝ Ֆարմանյանը նշեց՝ Երևանի քաղաքացիները մի ակնկալիք ունեն՝ գո՛րծ արեք, զբաղվե՛ք աղբահանությամբ, կանաչապատմամբ, վերելակների խնդիրը լուծեք, այլ ոչ սենյակում նստած կոնսպիրալոգիաներ փնտրեք: Հավատացնում եմ, որ Երևանում ապրող քաղաքացուն դա չի հետաքրքրում, այլ հետաքրքրում է այն, որ դուք քաղաքը մաքրեք: Այն քաղաքացիները, որոնք ճարահատյալ դիմում են տարբեր միջոցների, բարձրաձայնում են խնդիրները, որ քաղաքը զերծ լինի աղբից, պետք չի նրանց մեղադրել տարատեսակ քաղաքական նպատակների մեջ: Պարոն Փաշինյա՛ն, ոչ թե անհրաժեշտ էր այսօր արդեն ձախողված քաղաքապետին շնորհակալություն հայտնել ու ըմբռնումով մոտենալ, այլ պետք էր ժամանակ տրվեր՝ 3-4 շաբաթ, որից հետո պետք էր հետևություններ անել : Ֆարմանյանը արձանագրեց, որ քաղաքապետի և վարչապետի հանդիպումը լավատեսություն չներշնչեց. Վարչապետը, Կառավարական տանն ապրելով ու զրահապատ մեքենայով շրջելով, չի զգում այն հոտը, որը քաղաքացիներչն ու զբոսաշրջիկները զգում են: Հաշվի առնելով, որ տեղի է ունեցել հանդիպում՝ կարելի է 2-3 շաբաթ սպասել ու տեսնել, թե ինչ է առաջարկելու քաղաքապետարանը, գործադիր մարմինը: Եթե տեսնենք, որ այդուհանդերձ որևէ պատրվակով ու բացատրությամբ քաղաքի աղբահանության խնդիրը չի լուծվում, վստահ եմ՝ կգտնենք ձևը քաղաքապետ Հայկ Մարությանին ստիպելու, կարգի հրավիրելու, որ քաղաքը մաքրի աղբից :

Related news

Latest News
Hashtags:   

Աղբահանության

 | 

խնդրի

 | 

լուծման

 | 

փոխարեն

 | 

ականատես

 | 

եղանք

 | 

Ազիզյանների

 | 

դերակատարի

 | 

նախկին

 | 

խմբագրի

 | 

բեմադրված

 | 

հարցազրույցի․Սամվել

 | 

Ֆարմանյան

 | 
Most Popular (6 hours)

Most Popular (24 hours)

Most Popular (a week)

Sources