Sunday 25 August 2019
Home      All news      Contact us      English
tert.am - 12 days ago

Աթամբաևի կեցավայրի գրոհի ժամանակ հատուկջոկատայինը սպանվել է զենքից, որը հայտնաբերվել է նախկին նախագահի տանը. ղրղզ պաշտոնյա

Ղրղզստանի ազգային անվտանգության պետական կոմիտեի ղեկավար Օրոզբեկ Օպումբաևն այսօր հրավիրած մամուլի ասուլիսի ժամանակ հայտնել է, որ օրերս ձերբակալված ու կալանքի տակ առնված նախկին նախագահ Ալմազբեկ Աթամբաևը պետական հեղաշրջում էր պատրաստվում իրականացնել, գրում է ՏԱՍՍ գործակալությունը: Նա նաև նշել է, որ Աթամբաևի կեցավայրը գրոհելու գործողությանը մասնակցող հատուկջոկատայինը սպանվել է զենքից, որը հայտնաբերվել է նախկին նախագահի տանը: Նրա տանը հետագայում հայտնաբերվել է մեծ թվով տարբեր տեսակի զենք: Աթամբաևը խոստովանել է, որ իր ձերբակալության ժամանակ նա 6 անգամ կրակել է իմ տղաների ուղղությամբ ,- ասել է Ղրղզստանի ազգային անվտանգության պետական կոմիտեի ղեկավարը: Այսօր ավելի վաղ հաղորդվել էր, որ Ղրղզստանի նախկին նախագահ Ալմազբեկ Աթամբաևին մեղադրանք է առաջադրվել սպանության և այլ առանձնապես ծանր հանցագործությունների համար: Ղրղզստանի օրենքների համաձայն՝ Աթամբաևին կարող է ցմահ ազատազրկում սպառնալ: Ինչպես ավելի վաղ հաղորդել էր Tert.am-ը, Ղրղզստանի նախկին նախագահ Ալմազբեկ Աթամբաևին մինչև օգոստոսի 26-ը տեղափոխել են Ազգային անվտանգության պետական կոմիտեի քննչական մեկուսարան: Պետության նախկին ղեկավարին նախնական մեղադրանքներ էին առաջադրվել քրեական հեղինակություն Ազիզ Բատուկաևի ապօրինի ազատ արձակման գործով: Օրերս հատուկ ծառայությունները գործողություն էին սկսել Աթամբաևի ձերբակալման համար: Գործողությունը սկսվել էր Կոյ Տաշ գյուղում՝ նրա կեցավայրի տարածքում: Նրան ձերբակալելու պատճառ է դարձել այն, որ նա երեք անգամ չի ներկայացել հարցաքննության՝ որպես քրեական հեղինակություն Ազիզ Բատուկաևին ապօրինի ազատ արձակելու գործով վկա: Ուժայինների և քաղաքական գործչի կողմնակիցների միջև օրեր տևած բախումների հետևանքով Աթամբաևն ինքնակամ հանձնվել էր իշխանություններին: Աթամբաևը Ղրղզստանի նախագահ է եղել 2011-2017 թվականներին: Նա ընտրությունների արդյունքում իշխանությունը փոխանցել է Սոորոնբայ Ժեենբեկովին:

Related news

Latest News
Hashtags:   

Աթամբաևի

 | 

կեցավայրի

 | 

գրոհի

 | 

ժամանակ

 | 

հատուկջոկատայինը

 | 

սպանվել

 | 

զենքից

 | 

հայտնաբերվել

 | 

նախկին

 | 

նախագահի

 | 

պաշտոնյա

 | 
Most Popular (6 hours)

Most Popular (24 hours)

Most Popular (a week)

Sources