Wednesday 21 August 2019
Home      All news      Contact us      English
tert.am - 8 days ago

Կասկածներ ունեմ, որ «Սանիթեքը» գումարները դուրս է հանում, որովհետև նորմալ ծառայություն չի մատուցում և գումարներն ավելանում են. Հայկ Մարությանը՝ Փաշինյանին

Վարչապետ Նիկոլ Փաշինյանը Երևանի քաղաքապետ Հայկ Մարությանի հետ աշխատանքային հանդիպումը ներկայացրեց ֆեյսբուքյան ուղիղ եթերով: Վարչապետի և քաղաքապետի քննարկման թեման աղբահանության խնդիրն էր: Նիկոլ Փաշինյանը հետաքրքրվեց, թե ինչու է Երևան քաղաքում աղբահանության հետ կապված այսպիսի խնդիր առաջացել, ինչին ի պատասխան Հայկ Մարությանն ասաց. Նախընտրական շրջանում բոլոր ուժերի ծրագրերում հիմնական խնդիրներից մեկը աղբահանությունն էր, բայց պետք է նշեմ, որ այն ժամանակ աղբահանության վիճակն ավելի վատ էր, քան հիմա: Սա համակարգային խնդիր է: Առաջին սխալը նախկին քաղաքային իշխանությունների եղել է այն, որ մեկ ընկերության են տվել աղբահանության իրականացումը, անվտանգության բարձիկ չի եղել : Քաղաքապետի տեղեկացմամբ՝ նախապես աղբահանության իրականացման համար քաղաքը բաժանվել է երկու մասի. 2013 թ.-ին Արևմտյան մասի աղբահանության մրցույթում շահել է Սանիթեքը , իսկ 2015 թ.-ին արդեն երկրորդ մասի մրցույթը կրկին շահել է նույն ընկերությունը: Մեկ ընկերության է տրվել ամբողջ քաղաքի և աղբահանությունը և ձնամաքրման աշխատանքները: Քաղաքի ենթակառուցվածքները զրոյացվել են, մեկ ընկերությանն է տրվել ամեն ինչ: Այլ քաղաքապետերի հետ հանդիպումներում բոլորին հարցրել եմ՝ ոչ մի անգամ չեմ հանդիպել, որ մեկ օպերատոր է այլ զարգացած քաղաքներում աղբահանությունն իրականացնում ,- նշեց Հայկ Մարությանը:

Ըստ քաղաքապետի՝ Սանիթեքի հետ պայմանագրերը նորմալ են կնքված՝ և՛ քաղաքապետարանի, և՛ Սանիթեքի համար լավ, հավասարակշռված պայմանագիր է: Ըստ նրա՝ երկու կողմն էլ պաշտպանված են: Բայց մենք տեսնում ենք, որ Սանիթեքը ձախողեց, պատճառները տարբեր են: Օբյեկտիվ պատճառն այն է, որ այդ ընկերությունը լավ չի տիրապետում ոլորտին: Նա մրցույթին ներկայացրել էր, որ Լիբանանում և Նիգերիայում փորձ ունի այս ոլորտում աշխատելու, բայց տնօրենը վերջին ասուլիսին հայտարարեց, որ աշխատել են Թուրքիայում և Ալժիրում: Անհասկանալի է: Այս ընկերությունը օբյեկտիվորեն չի կարողանում կատարել իր աշխատանքը ,- ասաց նա: Հայկ Մարությանի խոսքով՝ քաղաքապետարանի միակ պարտավորությունը, ըստ պայմանագրի, Սանիթեք ընկերությանը ծառայության համար գումար հատկացնելն է: Քաղաքապետը վստահեցնում է, որ գումարները սահմանված ժամկետներում փոխանցվում է: Այս վիճակի պատճառներից մեկն է, որ իրենց շարժակազմը քանդված է, ջարդուխուրդ եղած է: Պայմանագրում նշված է 16 հազար մետաղական աղբաման, բայց քաղաքում ընդհանուր 5000 աղբաման է, որից 99-ն է մետաղական: Ծառայության վատ մատուցման համար մենք տուգանել ենք: Իրենք ասում են, որ տուգանքներն անհիմն են և մեզ դատի են տվել: Ասում են՝ դրանք ազդել են մեր աշխատանքի վրա, բայց մեր տուգանքները մեր կողմից իրենց տրված գումարի ընդամենը 3 տոկոսն է: Հենց որպեսզի իրենք վերջնական չմահանան, դրա համար չենք գնում ավելի կոպիտ, կտրուկ քայլերի: Իրենց հետ բանակցություններում ասել եմ՝ Ձեզ շուկայից հանելու խնդիր չունենք: Իրենք ինձ ասացին, որ պետք է ծառայության գումարը ավելացնել, ես ասացի՝ չեմ կարող: Փոխարենը առաջարկել եմ 2 պայմանագիրը խզենք և նոր մրցույթ հայտարարենք, թող իրենք իրենց բարձր գինը առաջարկեն և եթե ավելի ցածր գին առաջարկող չլինի, նորից կշահեն: Սանիթեքը չհամաձայնեց այս առաջարկին ,- պարզաբանեց քաղաքապետը: Քաղաքապետարանի մյուս՝ քաղաքային բյուջեով մեքենաներ ձեռք բերելու և վարձով տրամադրելու առաջարկին Սանիթեքը նախապես համաձայնություն է տվել, սակայն հետագայում, քաղաքապետի խոսքով՝ սկսել է հետաձգել պրոցեսը. Այստեղ ինձ մոտ կասկածներ առաջացան, որ նրանք գումարները դուրս են հանում: Այսինքն, նույն չափով գումարը ստանում են, պատշաճ ծառայություն չեն իրականացնում, և գումարն ավելանում է : Քաղաքապետարանն արդեն սկսել է աղբահանության մեքենաների ձեռքբերման գործընթացը: Ավագանու որոշմամբ արդեն ստեղծվել է Երևանի աղբահանության և սանմաքրման համայնքային հիմնարկը: Հայկ Մարությանը հայտնեց, որ քաղաքային իշխանությունների կողմից արդեն ձեռք է բերվել 16 ԿամԱԶ մակնիշի աղբատար մեքենա և պատվիրվել է և 10-ը: Քաղաքապետարանը նաև 8000 աղբամաններ է պատվիրել, որոնցից 400-ն արդեն Երևանում է: Մինչև օգոստոսի 15-ը ևս 1800 աղբաման Երևանում կլինի, իսկ ամբողջ խմբաքանակը՝ մինչև դեկտեմբեր: Մենք անընդհատ հորդորում ենք Սանիթեք -ին, որպեսզի մեզ հետ համագործակցեն: Դավթաշենում մենք բերել էինք աղբամանները, ուզում էինք փոխել, նամակ գրեցինք Սանիթեք -ին, ոչ մի պատասխան չեղավ: Վերջում պատասխանեցին՝ ձեռք մի տվեք մեր աղբամաններին, դա մեր գույքն է, մեր աղբամանների հետ գործ չունեք: Լուծումը հետևյալն է՝ մենք մոտակա ժամանակներում պետք է այս հարցը լուծենք: Քաղաքային իշխանությունները թույլ չեն տալու, որ այս կերպով աղբահանություն իրականացվի ,- ասաց Հայկ Մարությանը:

Related news

Latest News
Hashtags:   

Կասկածներ

 | 

ունեմ

 | 

Սանիթեքը

 | 

գումարները

 | 

դուրս

 | 

հանում

 | 

որովհետև

 | 

նորմալ

 | 

ծառայություն

 | 

մատուցում

 | 

գումարներն

 | 

ավելանում

 | 

Մարությանը՝

 | 

Փաշինյանին

 | 
Most Popular (6 hours)

Most Popular (24 hours)

Most Popular (a week)

Sources