Sunday 25 August 2019
Home      All news      Contact us      English
tert.am - 12 days ago

Արայիկ Հարությունյանն ընդունել է Չեխիայի դեսպան Բեդրիխ Կոպեցկիին

ՀՀ կրթության, գիտության, մշակույթի և սպորտի նախարար Արայիկ Հարությունյանն այսօր ընդունել է Չեխիայի արտակարգ և լիազոր դեսպան Բեդրիխ Կոպեցկիին։ Հագեցած հանդիպման օրակարգում երկու երկրների միջև համագործակցության հարցն էր բարձրագույն կրթությունից, հանրակրթությունից և գիտությունից մինչև մշակույթ ու սպորտ։ Այս մասին տեղեկացնում է ԿԳՄՍ նախարարությունը: Հանդիպման ընթացքում քննարկվել են Հայաստանի Հանրապետության կրթության, գիտության, մշակույթի և սպորտի նախարարության և Չեխիայի Հանրապետության կրթության, երիտասարդության և սպորտի նախարարության միջև կրթության և գիտության բնագավառներում համագործակցության մասին համաձայնագրին առնչվող հարցերը։ Գիտության և տեխնոլոգիաների բնագավառում համագործակցային կապերի խթանման և Չեխիայի համապատասխան կառույցների հետ գիտության և տեխնոլոգիաների բնագավառում համագործակցության ձևաչափերի ստեղծումը նույնպես կարևորվել է նախարարի կողմից։ Կողմերը քննարկել են նաև STEM (գիտության, տեխնոլոգիայի, ճարտարագիտության, մաթեմատիկայի) բնագավառում հայաստանյան առաջատար գիտահետազոտական կազմակերպությունների ընդգրկմամբ համագործակցային ծրագրերի իրականացման հնարավորության հարցը՝ ընդգծելով, որ այս ոլորտներում հայ-չեխական փոխգործակցությունը լայն հեռանկար ունի։ Նախարար Ա. Հարությունյանը պատրաստակամություն է հայտնել կիսել Հայաստանի դպրոցների մշակութային և տեխնոլոգիական կրթության փորձը։ Դեսպան Բեդրիխ Կոպեցկին էլ հայտնել է իր հետաքրքրվածությունը կապված հայկական դպրոցներում շախմատ առարկայի դասավանդման և Չեխիայում այս փորձի կիրառման հետ։

Related news

Latest News
Hashtags:   

Արայիկ

 | 

Հարությունյանն

 | 

ընդունել

 | 

Չեխիայի

 | 

դեսպան

 | 

Բեդրիխ

 | 

Կոպեցկիին

 | 
Most Popular (6 hours)

Most Popular (24 hours)

Most Popular (a week)

Sources