Sunday 25 August 2019
Home      All news      Contact us      English
tert.am - 12 days ago

Նվաստացնող է՝ նորավարտը քննում է իր դոցենտ դասախոսին, նման բան չի կարելի. ՀՊՏՀ դասախոսը՝ ատեստավորման չափորոշիչների մասին

Տնտեսագիտական գիտությունների թեկնածու, ՀՊՏՀ Կառավարման ամբիոնի դոցենտ Գագիկ Ասլանյանը Tert.am-ի հետ զրույցում, անդրադառնալով ՀՊՏՀ-ում դասախոսների ատեստավորման չափորոշիչներին, նշեց, որ այդ չափորոշիչների մեջ կան կետեր, որոնք իսկապես անհրաժեշտ են դասախոսին, սակայն կան նաև կետեր, որոնք այնքան էլ էական ու պարտադիր չեն: Արդյունքում՝ ստացվում է այնպես, որ մաթեմատիկոսը կարող է հաղթահարել և դառնալ տնտեսագիտության դասեր պարապող դասախոս կամ լեզվի մասնագետը կարող է դառնալ տնտեսագիտության դասախոս, որը հաղթել է և՛ լեզվի, և մենեջմենթի ամբիոնի չափորոշիչները : Ասլանյանը նշեց, որ ատեստավորման համար սահմանված 13 հարցի մեջ կա օտար լեզվի վերաբերյալ 2 կետ՝ անգլերենի իմացության և անգլերենով դասավանդելու մասին: Վերջինն այնքան էլ հասկանալի չէ Ասլանյանի համար. ասում է՝ անգլերենով դասավանդելու փորձի նպատակը ո՞րն է, եթե դասախոսը պետք է դասավանդի հայկական բուհում: Մենք սեպտեմբերի 1-ից լուրջ խնդրի առաջ ենք կանգնելու, որովհետև եղել են դեպքեր, երբ մրցույթով անցած անձինք, որոնք իմացել են, որ 50-60 հոգու առաջ պետք է դասավանդեն, հրաժարվել են դասավանդումից: Տնտեսագիտական գիտությունների դոկտորներից մեկը, որը պաշտպանել էր ատենախոսություն բանկային ֆինանսական գծով, դիմել էր երկու ամբիոնի՝ և՛ ֆինանսների ամբիոնում, և՛ բանկային գործ ամբիոնում դասախոսելու համար: Ինքը ֆինանսներում անցել է, ըստ հանձնաժողովի տվյալների, իսկ բանկային գործում, որտեղ նա դոկտորական թեզ է պաշտպանել, չի անցել: Աբսուրդ է ,-ասաց նա: Ինչ վերաբերում է դիտարկմանը, թե ՀՊՏՀ ռեկտորի պաշտոնակատար Ռուբեն Հայրապետյանը նշել էր, որ ատեստավորումը չանցած դասախոսների աշխատությունները տնտեսագիտության համար որևէ լուրջ արժեք չեն ներկայացնում, Ասլանյանն ասաց՝ սա լուրջ մեղադրանք է հայկական տնտեսագիտության հանրության, գիտնականների հասցեին. Նա, ելնելով իր աշխատանքից, թե ինչպես է գրել դոկտորական իր ատենախոսությունը, չափում մյուսներին ու գնահատում: Ինչպե՞ս կարելի է էդպիսի կարծիք հայտնել 99 տոկոս գիտնականների մասին: Ինքը, որ ակնհայտ արտագրություններ է արել, իր աշխատանքը համարում է մեծ արժեք ունեցող : Ռուբեն Հայրապետյանի այս որոշման մեջ Գագիկ Ասլանյանը նաև սուբյեկտիվիզմ է տեսնում. Ռուբեն Հայրապետյանը ռեկտորի պաշտոնակատար լինելուց առաջ Կառավարման ամբիոնի վարիչի պաշտոնակատարն էր, այսինքն՝ նույն ամբիոնում, որ աշխատել ենք մենք: Կառավարման ամբիոնի կողմից մշտապես բողոքներ էին լինում իր վարքագծի հետ կապված: Պատկերացրեք՝ ամբիոնի վարիչի պաշտոնակատար նշանակվելուց շատ քիչ էր անցել ու ամբիոնում սարսափելի մթնոլորտ էր ձևավորվել, որի արդյունքում մարդիկ սկսեցին նույնիսկ իրար չբարևել, խուսափել իրարից, խմբերի սկսեցին բաժանվել: Այս ամենը շատ բացասական ազդեցություն էր թողնում ընդհանուր մթնոլորտի վրա: Այդ դասախոսները, երբ դիմեցին ռեկտորին, թե այսպիսի մթնոլորտ է, անհրաժեշտ է Ձեր միջամտությունը, Հայրապետյանը դա ընդունեց իր անձի նկատմամբ քայլ և, ըստ էության, ավելի շատ հաշվեհարդար էր ուզում տեսնել Կառավարման ամբիոնի դասախոսների նկատմամբ, որոնք այդպիսի համարձակություն են ունեցել ներկայացնելու այն, ինչ կար ամբիոնում : Գագիկ Ասլանյանը նաև նշեց, որ ինքը ատեստավորման մրցույթին սկզբունքորեն չի մասնակցում, թեպետ չի մեղադրում նրանց, որոնք բողոքում են ատեստավորման չափորոշիչներից ու սկզբունքներից, սակայն մասնակցում են: Ասլանյանը նշում է՝ ատեստավորման հանձնաժողովում ընդգրկված են նորավարտ երիտասարդներ, որոնք քննում են իրենց իսկ դասախոսներին. Նվաստացնող փաստեր են: Նորավարտը քննում է իր դոցենտ դասախոսին: Չի կարելի նման բաներ անել : ՀՊՏՀ Կառավարման ամբիոնի դոցենտը նաև հույս հայտնեց, որ թե՛ ԿԳՄՍ նախարարը, թե՛ Կառավարության համապատասխան պաշտոնյաները լուրջ ուշադրություն կդարձնեն իրենց կողմից բարձրացված հարցերի վրա: Մենք նույնիսկ Կառավարությանը խնդրեցինք, որ եթե փաստերը ստուգելու մի խումբ ձևավորվի, մեր կողմից ևս մի քանի հոգի ընդգրկվեն այդ խմբում, որ միակողմանի չլինի որոշումը: Այդ դեպքում, ես համոզված եմ, հենց ինքը՝ նախարարը կհամոզվի, որ այն բարձրագոչ հայտարարությունները, որ կատարում է Ռուբեն Հայրապետյանը, ուղղակի ականջահաճո բաներ են: Ես գիտեմ, որ նախարարի համար հաճելի է, որ իր ենթակայության տակ գտնվող բուհի ղեկավարն ասում է՝ բարեփոխումներ ենք անում, աննախադեպ արդյունքներ ենք արձանագրում, սեպտեմբերի 1-ից Հանրապետության լավագույն մասնագետները կմտնեն լսարան, ուսանողները բոլորից գոհ կլինեն: Սրանք շատ ականջահաճո բաներ են, իրականում այդպես չէ, սա է ամբողջ հարցը ,-նշեց դասախոսը:

Related news

Latest News
Hashtags:   

Նվաստացնող

 | 

նորավարտը

 | 

քննում

 | 

դոցենտ

 | 

դասախոսին

 | 

կարելի

 | 

դասախոսը՝

 | 

ատեստավորման

 | 

չափորոշիչների

 | 

մասին

 | 
Most Popular (6 hours)

Most Popular (24 hours)

Most Popular (a week)

Sources