Sunday 25 August 2019
Home      All news      Contact us      English
tert.am - 12 days ago

«Մինչև աղջկաս ծնվելը կյանքումս ոչ մի երեխայի գիրկս չէի առել». Ալեքսիս Օհանյանը խոսել է կնոջ բարդ ծննդաբերության և երեխային խնամելու պարտականությունների մասին (լուսանկարներ)

Ամերիկահայ գործարար, ակտիվիստ և ներդրող Ալեքսիս Օհանյանը վերհիշել է այն սարսափը, որ իրենց պատել էր կնոջ՝ հայտնի թենիսիստուհի Սերենա Ուիլյամսի ծննդաբերության ժամանակ: The New York Times-ի համար գրված հոդվածում Reddit-ի 36-ամյա համահիմնադիրը խոսել է այն չորս ամիսների մասին, որոնք երեխայի ծննդից հետո նա անցկացրել է տանը, երբ կնոջ մոտ իրենց դստեր՝ Ալեքսիս Օլիմպիա Օհանյանի ծննդից հետո հետծննդաբերական բարդություններ էին առաջացել: Գործարարի խոսքով՝ այդ չորս ամիսները նա անցկացրել է ընտանիքի մասին հոգ տանելով: Թոքային էմբոլիային դիմակայելու և վերականգնվելու համար Սերենային օրեր պահանջվեցին: Երբ մենք մեր փոքրիկի հետ տուն վերադարձանք, Սերենան որովայնում բացվածք ուներ, որի վիրակապը հարկավոր էր ամեն օր փոխել: Նա դեղորայքների ազդեցության տակ էր և չէր կարողանում քայլել ,- պատմել է Օհանյանը՝ վերհիշելով կնոջ անակնկալ կեսարյան հատումը: Գործարարի խոսքով՝ իրենց բախտ է վիճակվել մի շարք հարցերում առավելություններ ունենալ: Նա նշել է, որ ի տարբերություն շատերի, կարողացավ երկար ժամանակով մի կողմ դնել աշխատանքն ու ամբողջ ժամանակը տրամադրել իր ընտանիքին և չմտածել աշխատանքը կորցնելու մասին: Երջանիկ եմ, որ ստիպված չեմ եղել ընտրություն կատարել ընտանիքի և աշխատանքի միջև ,- անկեղծացել է գործարարը և հավելել, որ նախքան երեխայի ծնունդն ուշադրություն չի դարձրել հայրության արձակուրդին , և այժմ պայքարում է, որ բոլոր հայրերը հայրական վճարովի արձակուրդի իրավունք ունենան, որը ոչ բոլոր կազմակերպություններում է գործում: Ընտանիքում միակ զավակը լինելով՝ ես երեխաների շրջապատում չեմ մեծացել, ավելին՝ մինչև աղջկաս ծնվելը կյանքումս ոչ մի երեխայի գիրկս չէի առել ,- անկեղծացել է Օհանյանը և հավելել, որ սկզբում վախենում էր նրան գրկել: Ես հսկա, իսկ նա այդքան փոքրիկ: Մտածում էի՝ իսկ եթե վնասե՞մ նրան ,-կատակել է Օհանյանը: Երկու տարի անց մեր տանը ոչ մի կարծրատիպ չկա այն մասին, թե ով պետք է փոխի երեխայի տակդիրները, կերակրի Օլիմպիային, կամ հարդարի նրա մազերը ,- հայտնել է նա: Նշենք, որ Ալեքսիս Օլիմպիա Օհանյանը ծնվել է 2017 թվականի սեպտեմբերի 1-ին:

Related news

Latest News
Hashtags:   

Մինչև

 | 

աղջկաս

 | 

ծնվելը

 | 

կյանքումս

 | 

երեխայի

 | 

գիրկս

 | 

Ալեքսիս

 | 

Օհանյանը

 | 

խոսել

 | 

ծննդաբերության

 | 

երեխային

 | 

խնամելու

 | 

պարտականությունների

 | 

մասին

 | 

լուսանկարներ

 | 
Most Popular (6 hours)

Most Popular (24 hours)

Most Popular (a week)

Sources