Sunday 25 August 2019
Home      All news      Contact us      English
tert.am - 13 days ago

Անգլիայի 33-ամյա բնակչուհու կյանքը կարող է ցանկացած պահի ընդհատվել, եթե նա շարժի գլուխը

Անգլիայի 33-ամյա բնակչուհի Ռեյչել Պիգիլսը տառապում է հազվագյուտ հիվանդությամբ, որն աշխարհում կարող է բուժել միայն երեք մասնագետ: Կինը կարող է մահանալ ցանկացած պահի, եթե շարժի գլուխը: Այս մասին հայտնում է Mirror-ը ներկայացնելով կնոջ պատմությունը: Դեռևս երկու տարի առաջ Ռեյչելը ոչ մի խնդիր չի ունեցել, սակայն ամեն ինչ փոխվել է, երբ նա սկսել է օգտագործել իմունային համակարգը վերականգնող դեղահաբեր: Սեպտեմբեր և հոկտեմբեր ամիսներին նա զգալիորեն նիհարել է և սրտխառնոց ունեցել, ինչի համար էլ երեք անգամ հոսպիտալացվել է: Չէի կարողանում բազմոցից բարձրանալ: Միանգամից դադարեցրի դեղահաբերի ընդունումը, սակայն նոպաները շարունակվեցին ,- պատմել է նա: Հիվանդանոցում Ռեյչելին ախտորոշել են Ադիսոնի հիվանդություն, որը հազվագյուտ է հանդիպում: Մակերիկամների գեղձը դադարում է արտադրել կորտիզոլ և ալդոստերոն հորմոններ բավարար քանակությամբ: Նշանակված բուժումն անարդյունք էր և կնոջ վիճակը գնալով վատանում էր: Բուժման կուրսը շարունակում էի, սակայն կորցնում էի քաշս: Ադրենալինի պակասից ձեռքերս դողում էին, ցանկացած պահի կարող էի քնել: Աեմն ինչ բարդացավ այն ժամանակ, երբ պատահաբար գլուխս հարվածեցի օդափոխիչին ,- նշել է նա: 2019 թվականին սկանավորումը ցույց է տվել, որ նրա ուղեղն իջնում է գանգոսկրի հիմքին: Այժմ ցանկացած շարժում կարող է ավարտվել ներքին գլխատմամբ և գանգն ամբողջությամբ կարող է բաժանվել ողնաշարից: Այդ պատճառով Ռեյչելը պարանոցի հատուկ վիրակապ է կրում և ստիպված է դիմանալ գլխացավերին, գլխապտույտներին և հոգնածությանը: Այժմ Ռեյչելն ու իր ամուսինը մտադիր են 135 000 ֆունտ սթերլինգ գումար հավաքել, որպեսզի կարողանան վճարել իսպանացի բժշկին, որն աշխարհի այն երեք մասնագետներից մեկն է, ով կարող է վիրահատություն անցկացնել միացնելով պարանոցը գանգոսկրին:



Related news

Latest News
Hashtags:   

Անգլիայի

 | 

բնակչուհու

 | 

կյանքը

 | 

կարող

 | 

ցանկացած

 | 

ընդհատվել

 | 

շարժի

 | 

գլուխը

 | 
Most Popular (6 hours)

Most Popular (24 hours)

Most Popular (a week)

Sources