Sunday 25 August 2019
Home      All news      Contact us      English
tert.am - 13 days ago

Հոնկոնգում շարունակվող հակակառավարական ցույցերը կաթվածահար են արել Ասիայի ամենածանրաբեռնված օդանավակայանը. բոլոր չվերթները հետաձգվել են (լուսանկարներ)

Հոնկոնգի միջազգային օդանավակայանում հետաձգվել են բոլոր չվերթները՝ մեկնումներն ու ժամանումները՝ հակակառավարական ցույցի հազարավոր մասնակիցների պատճառով, որոնք շրջափակել են օդակայանն ու դեպի այն տանող ճանապարհները: Ինչպես հաղորդում է South China Morning Post-ը, Ասիայի ամենածանրաբեռնված օդականավակայանի ղեկավարությունը հրահանգել է չեղարկել բոլոր չվերթները մինչև օրվա վերջ: Արդեն իսկ օդում գտնվող օդանավերին թույլ կտան վայրէջք կատարել: Աշխարհում ամենազբաղված օդանավակայաններից մեկը հանդիսացող հանգույցը մեկ օրում 800 չվերթ է սպասարկում: Աշխատանքների դադարեցումը գործնականում կազդի տասնյակ հազարավոր ուղևորների ծրագրերի վրա: Հաղորդվում է, որ հարյուրավոր ցուցարարներ ներխուժել են օդակայան և զբաղեցրել թռիչքների սպասասրահը, մինչդեռ ևս հազարը շարունակում են նստացույց անել ժամանումների սրահում: Բողոքի ակցիան արդեն 72 ժամ է, ինչ շարունակվում է: Հանգստյան օրերին իրավապահների և արտահանձնման մասին օրենքի հակառակորդների միջև տեղի ունեցած դաժան բախումներից հետո ցուցարարները մարդկանց կոչ են անում միանալ իրենց՝ արտահայտելու դժգոհությունը: Կիրակի շուրջ 40 մարդ տուժել է ցուցարարների և ոստիկանների միջև բախման հետևանքով: Հիշեցնենք, որ Հոնկոնգի իշխանություններն ապրիլին օրենք են ներկայացրել, որով թույլատրում են Չինաստանում քրեական հետապնդման ենթակա անձանց արտահանձնումը մայրցամաք:








Related news

Latest News
Hashtags:   

Հոնկոնգում

 | 

շարունակվող

 | 

հակակառավարական

 | 

ցույցերը

 | 

կաթվածահար

 | 

Ասիայի

 | 

ամենածանրաբեռնված

 | 

օդանավակայանը

 | 

բոլոր

 | 

չվերթները

 | 

հետաձգվել

 | 

լուսանկարներ

 | 
Most Popular (6 hours)

Most Popular (24 hours)

Most Popular (a week)

Sources