Sunday 25 August 2019
Home      All news      Contact us      English
tert.am - 13 days ago

Հանրային հեռուստաընկերությունը Սահմանադրական դատարանի գործունեությունը լուսաբանում է միակողմանի, չհիմնավորված և ուղղորդված. «Մեդիա պաշտպան»

Վերջին ամիսների ընթացքում Հանրային հեռուստաընկերությունը Սահմանադրական դատարանի գործունեությունը ու դրա շուրջ ստեղծված արհեստական իրավիճակը լուսաբանում է միակողմանի, չհիմնավորված և ուղղորդված։ Հանրային հեռուստաընկերության եթերից հնչում են մեկնաբանություններ, տրվում իրավագիտության հետ աղերս չունեցող գնահատականներ, արվում են որևէ քննադատության չդիմացող դատողություններ և եզրահանգումներ։ Այդպիսի եզրակացություն է արել Մեդիա պաշտպան նախաձեռնությունը: Մինչդեռ Հայաստանի Հանրապետության Սահմանադրության 42-րդ հոդվածի 2-րդ մասի համաձայն՝ պետությունը երաշխավորում է տեղեկատվական, կրթական, մշակութային և ժամանցային բնույթի հաղորդումների բազմազանություն առաջարկող անկախ հանրային հեռուստատեսության և ռադիոյի գործունեությունը: Հանրային հեռուստաընկերության նման վարքագիծը ոչ այլ ինչ է, քան միտում ապալեգիտիմացնելու Սահմանադրության գերակայությունը ապահովելու առաքելությամբ օժտված մարմնի՝ Սահմանադրական դատարանի դերը։ Սահմանադրական դատարանի նկատմամբ նման վարքագիծը միաժամանակ ոտնձգություն է Սահմանադրության նկատմամբ, որը խաթարում է մեր պետության սահմանադրական կարգի հիմքերը և իրավական անվտանգությունը։ Հանրային հեռուստաընկերությանը հորդորում ենք ապահովել Սահմանադրությամբ իրեն վերապահված առաքելությունը, այլ ոչ թե վերածվել քաղաքական քարոզչամեքենայի։ Միևնույն ժամանակ, Հեռուստատեսության և ռադիոյի հանձնաժողովի ուշադրությունն ենք հրավիրում Սահմանադրության 196-րդ հոդվածի 1-ին մասով սահմանված տեղեկատվական, կրթական, մշակութային և ժամանցային բնույթի հաղորդումների բազմազանության ապահովման համար Հանրային հեռուստատեսության նկատմամբ արդյունավետ վերահսկողություն իրականացնելու պարտականության վրա։

Related news

Latest News
Hashtags:   

Հանրային

 | 

հեռուստաընկերությունը

 | 

Սահմանադրական

 | 

դատարանի

 | 

գործունեությունը

 | 

լուսաբանում

 | 

միակողմանի

 | 

չհիմնավորված

 | 

ուղղորդված

 | 

Մեդիա

 | 

պաշտպան

 | 
Most Popular (6 hours)

Most Popular (24 hours)

Most Popular (a week)

Sources