Sunday 18 August 2019
Home      All news      Contact us      English
azatutyun - 6 days ago

Հայաստանի և Արցախի ղեկավարները շնորհավորել են Վլադիմիր Կազիմիրովին 90-ամյա հոբելյանի առթիվ

Հայաստանի վարչապետ Նիկոլ Փաշինյանը և Արցախի նախագահ Բակո Սահակյանը շնորհավորական ուղերձներ են հղել Ռուսաստանի արտակարգ և լիազոր դեսպան, 1992-96 թվականներին ԵԱՀԿ Մինսկի խմբի համանախագահ Վլադիմիր Կազիմիրովին՝ ծննդյան 90-ամյակի առթիվ: «Որպես Ղարաբաղյան հակամարտության կարգավորման բանակցություններում Ռուսաստանի միջնորդական առաքելության ղեկավար, ապա ԵԱՀԿ Մինսկի խմբի ՌԴ ներկայացուցիչ և համանախագահ՝ Դուք լրջագույն ավանդ եք ունեցել Արցախյան հակամարտության խաղաղ կարգավորման բանակցությունների սկզբնավորման գործում: Անգնահատելի են Ձեր ջանքերը կողմերի միջև զինադադարի համաձայնության ձեռքբերման, հակամարտության կարգավորման խաղաղ գործընթացի ապահովման և բանակցությունների լիարժեք ձևաչափի ձևավորման ուղղությամբ», - Հայաստանի վարչապետի աշխատակազմի տեղեկատվության և հասարակայնության հետ կապերի վարչության փոխանցմամբ՝ մասնավորապես ասված է Նիկոլ Փաշինյանի ուղերձում: - «Ավարտելով Ձեր կարևոր միջնորդական գործունեությունը՝ Դուք չեք հեռացել մեր տարածաշրջանից՝ մշտապես Ձեր փորձը ծառայեցնելով երկարատև խաղաղության հաստատման նպատակին: Ձեր գնահատականներն ու մեկնաբանությունները աչքի են ընկել անաչառությամբ և հակամարտության պատճառներին ու հետևանքներին խորապես ծանոթ լինելու փաստով: Հայ ժողովուրդը բարձր է գնահատում Ձեր միջնորդական գործունեությունը Արցախյան հակամարտության խաղաղ կարգավորման, տարածաշրջանում կայունության ապահովման գործում»: Արցախի նախագահի պաշտոնական կայքէջի փոխանցմամբ՝ Բակո Սահակյանի ուղերձում մասնավորապես ասված է․ - «Անգնահատելի է Ձեր ավանդը ադրբեջանա-ղարաբաղյան հակամարտության խաղաղ կարգավորման, Հարավային Կովկասի տարածաշրջանում խաղաղության և կայունության պահպանման գործում: Արցախում միշտ հատուկ վերաբերմունք է եղել Ձեր նկատմամբ: Դուք վայելում եք մեր ժողովրդի անկեղծ հարգանքը»:      

Related news

Latest News
Hashtags:   

Հայաստանի

 | 

Արցախի

 | 

ղեկավարները

 | 

շնորհավորել

 | 

Վլադիմիր

 | 

Կազիմիրովին

 | 

հոբելյանի

 | 

առթիվ

 | 
Most Popular (6 hours)

Most Popular (24 hours)

Most Popular (a week)

Sources