Sunday 18 August 2019
Home      All news      Contact us      English
azatutyun - 7 days ago

Ռուսթավի-2»-ի նախկին գլխավոր տնօրենին մեղադրանք է առաջադրվել

Վրաստանի ամենաբարձր վարկանիշն ունեցող «Ռուսթավի-2» ընդդիմադիր հեռուստաընկերության նախկին գլխավոր տնօրենին մեղադրանք է առաջադրվել «պաշտոնեական լիազորությունները չարաշահելու հոդվածով», նրա նկատմամբ խափանման միջոց է ընտրվել մոտ 13 հազար ամերիկյան դոլարի չափով գրավը: Մեղքը ապացուցվելու դեպքում վրացական իշխանությունների կոշտ ընդդիմախոսը համարվող Նիկա Գվարամիային սպառնում է խոշոր տուգանք, մինչև 2 տարվա ուղղիչ աշխատանք, մինչև երկու տարվա տնային կայանք կամ 3-5 տարվա ազատազրկում։ Գվարամիայի նկատմամբ քրեական հետապնդումը հաջորդում է «Ռուսթավի-2»-ի ղեկավարի պաշտոնից նրա հեռացմանը: Վրաստանի նախկին նախագահ Միխեիլ Սաակաշվիլիի առաջնորդած ընդդիմադիր ուժին հարող հեռուստաընկերությունը այժմ նոր ղեկավար կազմ ունի: Պաշտոնանկությունից հետո Գվարամիան հայտարարել է նոր լրատվամիջոց հիմնելու մտադրության մասին: Մարդու իրավունքների եվրոպական դատարանը անցած ամիս վճռել էր, որ Վրաստանում մեծ ժողովրդականություն վայելող հեռուստաընկերության բաժնետոմսերի 60 տոկոսը պատկանում է գործարար Կիբար Խալվաշիին, ով ենթադրաբար կապեր ունի իշխանությունների հետ։ Նա հեռուստաընկերության սեփականատերն էր 2004-2006 թվականներին:

Related news

Latest News
Hashtags:   

Ռուսթավի

 | 

նախկին

 | 

գլխավոր

 | 

տնօրենին

 | 

մեղադրանք

 | 

առաջադրվել

 | 
Most Popular (6 hours)

Most Popular (24 hours)

Most Popular (a week)

Sources