Thursday 22 August 2019
Home      All news      Contact us      English
azatutyun - 11 days ago

Բուխարեստում կրկին բողոքի ակցիա է անցկացվել կառավարության հրաժարականի պահանջով

Շաբաթ օրը ուշ երեկոյան տասնյակ հազարավոր մարդիկ Բուխարեստի կենտրոնում կրկին բողոքի ակցիա են իրականացրել կառավարության հրաժարականի պահանջով՝ վանկարկելով «Հրաժարական», «Գողեր»: Սոցիալ-դեմոկրատական կուսակցության կողմից ձևավորված Ռումինիայի գործող կառավարությունը վաղուց է քննադատության ենթարկվում կոռուպցիայի և երկրի բնակչության շահերը ոտնահարելու համար։ Ռումինիայի մայրաքաղաքում մարդիկ փողոց են դուրս եկել 2018 թվականին տեղի ունեցած արյունալի իրադարձությունների տարելիցի օրը: Անցյալ տարի օգոստոսի 10-ին Բուխարեստում տեղի է ունեցել հանրահավաք, որին մասնակցել է շուրջ 800 հազար մարդ: Ուժայինները ցուցարարների դեմ ջրցան մեքենաներ, արցունքաբեր գազ են կիրառել, հարյուրավոր մարդիկ վնասվածքներ են ստացել: Ռումինիայի նախագահ Կլաուս Յոհաննիսը՝ պահպանողական թևի ներկայացուցիչ, ով կառավարության կոշտ ընդդիմախոսն է, երեկ ելույթ ունենալով հրապարակում՝ անցյալ տարվա իրադարձությունները որակել է ողբերգություն և ոստիկանությանը հորդորել ձեռնպահ մնալ ուժի գործադրումից։ Եվրամիության անդամ Ռումինիայում բողոքի հուժկու ալիք է բարձրացրել կոռուպցիոն որոշ հանցագործությունների ապաքրեականացման և կոռուպցիոն հոդվածներով դատապարտվածների համաներման մասին աղմկահարույց օրինագիծը: 2017 թվականից ի վեր փաստաթղթի դեմ բողոքի ցույցերը չեն մարում։ Բուլղարիայից հետո Եվրամիության ամենաաղքատը համարվող այս երկրի երեք միլիոն քաղաքացի՝ աշխատունակ բնակչության մեկ երրորդը, ապրում է արտերկրում, հայրենիքում նրանք աշխատանք չունեն: Զանգվածային ցույցերում կառավարությանն ուղղված՝ ամենից հաճախ հնչող կոչերից մեկն էլ արտագաղթին է առնչվում՝ «Մենք մնում ենք այստեղ և չքվում եք դուք»:

Related news

Latest News
Hashtags:   

Բուխարեստում

 | 

կրկին

 | 

բողոքի

 | 

ակցիա

 | 

անցկացվել

 | 

կառավարության

 | 

հրաժարականի

 | 

պահանջով

 | 
Most Popular (6 hours)

Most Popular (24 hours)

Most Popular (a week)

Sources