Sunday 18 August 2019
Home      All news      Contact us      English
azatutyun - 8 days ago

Հյուսիսիային Կորեան փոքր հեռահարության երկու բալիստիկ հրթիռ է արձակել

Հյուսիսային Կորեան վերջին երկու շաբաթվա ընթացքում արդեն հինգերորդ անգամ հրթիռային արձակումներ է իրականացրել: Այսօր փոքր հեռահարության երկու բալիստիկ հրթիռ է արձակվել, որոնք ընկել են Ճապոնական ծով, այս մասին հայտնում է հարավկորեական ռազմական գերատեսչությունը: Սեուլում այս արձակումները պայմանավորում են Միացյալ Նահանգների և Հարավային Կորեայի համատեղ զորավարժությունների հետ: ՄԱԿ-ի Անվտանգության խորհրդի բանաձևերը արգելում են Հյուսիսային Կորեային որևէ հրթիռային փորձարկում իրականացրել: Միևնույն ժամանակ ԱՄՆ նախագահ Դոնալդ Թրամփը բազմիցս հայտարարել է, որ Փհենյանի հրթիռային արձակումները խոչընդոտ են հյուսիսկորեական միջուկային ծրագրի հարցով բանակցություններում: Հունիսի 30-ին նախագահ Դոնալդ Թրամփը համաձայնել էր հանդիպել Կիմ Չեն Ունին Հարավային ու Հյուսիսային Կորեաների սահմանին՝ Ապառազմականացված գոտում, որից հետո երկու առաջնորդները հայտարարել էին, թե կշարունակեն բանակցությունները թերակղզու ապամիջուկայնացման ուղղությամբ: Շաբաթներ անց, սակայն, Փհենյանը զգուշացրել էր՝ ձեռք բերված պայմանավորվածությունները կարող են հայտնվել վտանգի տակ, եթե Հարավային Կորեան և Միացյալ Նահանգները ետ չկանգնեն օգոստոսին կայանալիք համատեղ զորավարժություններից:

Related news

Latest News
Hashtags:   

Հյուսիսիային

 | 

Կորեան

 | 

հեռահարության

 | 

երկու

 | 

բալիստիկ

 | 

հրթիռ

 | 

արձակել

 | 
Most Popular (6 hours)

Most Popular (24 hours)

Most Popular (a week)

Sources