Sunday 18 August 2019
Home      All news      Contact us      English
azatutyun - 8 days ago

Պաշտոնական Ֆրանսիան հերքում է Դոնալդ Թրամփի մեղադրանքները

Ֆրանսիան հերքում է Միացյալ Նահանգների նախագահ Դոնալդ Թրամփի մեղադրանքները՝ Իրանի հարցով Վաշինգտոնի քաղաքականությանը միջամտելու վերաբերյալ, այս մասին հայտարարությամբ է հանդես եկել Ֆրանսիայի արտգործնախարար Ժան-Իվ լե Դրիանը: Սպիտակ տան ղեկավարը նախօրեին, մասնավորապես, գրել էր, թե Թեհրանը պատրաստ է Վաշինգտոնի հետ երկխոսության, սակայն «հակասական ազդակներ է ստանում բոլոր նրանցից, ովքեր անհիմն ներկայացնում են մեզ, այդ թվում՝ Ֆրանսիայի նախագահ Մակրոնը»: Փարիզը «թույլտվության կարիք չունի» Իրանի հարցով իր դիրքորոշումը հայտնելու համար, մասնավորապես, հայտարարել է ֆրանսիական դիվանագիտական գերատեսչության ղեկավարը: Նա նաև հավելել է, որ Ֆրանսիան մերձավորարևելյան տարածաշրջանում հանդես է գալիս խաղաղության և անվտանգության օգտին և աջակցում է լարվածության թուլացման ռազմավարությանը: Պաշտոնական Փարիզը շեշտում է նաև, որ վերջին շրջանում լարվածության աճի պատասխանը պետք է լինի «երկխոսության համար պայմանների ստեղծման քաղաքական նախաձեռնությունները»։ Ֆրանսիացի արտգործնախարարի խոսքերով՝ Մակրոնն իր գործընկերների հետ աշխատում է հենց այդ խնդրի լուծման ուղղությամբ: Նախագահ Թրամփը անցյալ տարվա մայիսին միակողմանիորեն խզել է Իրանի և վեց գերտերությունների միջև կնքված միջուկային համաձայնագիրը, նաև սպառնացել է պատժամիջոցներ սահմանել Իրանի հետ համագործակցող երկրների դեմ: Իրանի միջուկային հավակնությունները զսպող համաձայնագրի տակ ստորագրած եվրոպական երկրները, սակայն, ամեն կերպ փորձում են կանխել գործարքի տապալումն ու այն լքած Վաշինգտոնի և Թեհրանի միջև հնարավոր ռազմական լարվածությունը, միևնույն ժամանակ համոզել Իրանի իշխանություններին՝ չխախտել պայմանավորվածությունները:

Related news

Latest News
Hashtags:   

Պաշտոնական

 | 

Ֆրանսիան

 | 

հերքում

 | 

Դոնալդ

 | 

Թրամփի

 | 

մեղադրանքները

 | 
Most Popular (6 hours)

Most Popular (24 hours)

Most Popular (a week)

Sources