Thursday 22 August 2019
Home      All news      Contact us      English
azatutyun - 13 days ago

Բացահայտվել են առանձնապես խոշոր չափերով կաշառք ստանալու և տալու դեպքեր․ԱԱԾ

Ազգային անվտանգության ծառայությունը (ԱԱԾ) հաղորդում է, որ բացահայտվել են առանձնապես խոշոր չափերով կաշառք ստանալու և տալու դեպքեր: Հաղորդագրությունում նշվում է,որ ձեռք բերված նախնական տվյալների համաձայն՝ պարզվել է, որ զինկոմիսարիատներից մեկի նախկին բարձրաստիճան սպան և սպային օժանդակող անձը, տիրապետելով զինկոմիսարիատի աշխատանքների նրբություններին և օգտագործելով բժիշկների շրջանում ունեցած իրենց կապերը, 2019թ ամառային զորակոչի ընթացքում, 2000-15 000 ԱՄՆ դոլար գումարների դիմաց, կազմակերպել են թվով 9 զորակոչիկի և 4 զինապարտի վերաբերյալ բժշկական կեղծ ախտորոշումներ ձեռք բերելու և դրանց հիման վրա պարտադիր զինվորական ծառայությունից նրանց ազատելու կամ տարկետումներ տրամադրելու գործընթացները: Բացի այդ, ինչպես ԱԱԾ-ն է նշում, պարզվել է նաև, որ նախկին բարձրաստիճան սպայի հետ համագործակցող անձը զբաղվել է պարտադիր զինվորական ծառայության մեջ գտնվող երկու անձի առողջական մտացածին խնդիրների հիման վրա ծառայությունից վաղաժամկետ զորացրելու հարցերով: Այդ գործում նրան օժանդակել է կայազորային հոսպիտալի բժիշկներից մեկը: Առերևույթ հանցագործության դեպքերի առթիվ ԱԱԾ քննչական դեպարտամենտում հարուցվել են քրեական գործեր՝ Քրեական օրենսգրքի համապատասխան հոդվածներով: Ձեռք բերված բավարար ապացույցների համակցությամբ 3 անձի առաջադրվել է մեղադրանք: Նախկին բարձրաստիճան սպան և նրան օժանդակող անձը կալանավորվել են: ԱԱԾ-ն հորդորում է քաղաքացիներին՝ զերծ մնալ զինծառայությունից խուսափելու նպատակով կատարվող ապօրինի գործողություններից:

Related news

Latest News
Hashtags:   

Բացահայտվել

 | 

առանձնապես

 | 

խոշոր

 | 

չափերով

 | 

կաշառք

 | 

ստանալու

 | 

տալու

 | 

դեպքեր․ԱԱԾ

 | 
Most Popular (6 hours)

Most Popular (24 hours)

Most Popular (a week)

Sources