Thursday 22 August 2019
Home      All news      Contact us      English
azatutyun - 13 days ago

Վարչապետի հայտարարած մեգանպատակները․ քննարկում «Ըստ էության»-ի տաղավարում

Քաղաքագետ Ստեփան Սաֆարյանն իրատեսական է համարում օրերս Ստեփանակերտում վարչապետ Նիկոլ Փաշինյանի ներկայացրած մինչև 2050 թվականն իրականացվելիք ռազմավարական նպատակները։ Ստեփանակերտում Համահայկական 7-րդ խաղերի անցկացման կապակցությամբ Վերածննդի հրապարակում օգոստոսի 5-ին հրավիրված հանրահավաքում Հայաստանի վարչապետը մասնավորապես հայտարարեց, որ մինչև 2050 թվականը պետք է Հայաստանի բնակչությունը հասցնել առնվազն 5 միլիոն մարդու, ստեղծել 1 միլիոն 500 հազար աշխատատեղ, լուծել 2․5 միլիոն մարդու զբաղվածության հարց և վերացնել աղքատությունը, տասնհինգապատկել Հայաստանի համախառն ներքին արդյունքը։ Փաշինյանն ընդգծեց, որ այս նպատակներին հասնելու համար պետք է համախմբել ազգային ներուժը, կենտրոնացնել ազգային ռեսուրսները։ Հարցին, թե ռոմանտիկ չի՞ համարում հավատալ, որ իսկապես այսպիսի համախմբման շնորհիվ հնարավոր է զարգացնել տնտեսությունը, քաղաքագետը պատասխանեց․ - «Ինձ մի փոքր զարմացնում է վերջին շրջանում այն մարդկանց մտածողությունն, ովքեր դեմ են ռոմանտիզմին և ընդհանուր առմամբ այսպես համակերպվել են, կոմֆորտի զոնա են ստեղծել ռեալ աշխարհի մասին իրենց սխալական պատկերացումներում և գտնում են, որ, օրինակ, էսպիսի մեծ պոտենցիալ ունեցող ժողովուրդը և էսպիսի մեծ պոտենցիալ ունեցող երկիրը չի կարող ուղղակի, այո, հավակնոտ ծրագրեր ունենալ։ Ես հիմա տեսնում եմ, որ առաջադրված է խնդիր և դրա ձեռքբերումն իրատեսական եմ համարում »,-  «Ազատության» «Ըստ էության» հաղորդման ժամանակ ասաց Ստեփան Սաֆարյանը։ «Իմ քայլը» խմբակցության պատգամավոր Հայկ Գևորգյանն էլ հավելեց՝ այստեղ նույնիսկ որևէ «անիրատեսության նշույլ» չի տեսնում։ Հարցին, թե հաշվարկե՞լ են՝ տարեկան որքա՞ն պետք է լինի Հայաստանի տնտեսական աճնը, որպեսզի առաջիկա 30 տարում տասնհինգապատկվի համախառն ներքին արդյունքը, Գևորգյանը պատասխանեց․ - «Իմ կարծիքով տասնհինգապատիկը դա շատ համես կանխատեսում է, որովհետև տարեկան ընդամենը տասը տոկոսի աճը, եթե գումարային մոտավորապես 9,5-10 տոկոս եթե ունենանք, մենք կունենանք այդ համեստ կանխատեսումը, ու ես այդտեղ որևէ անիրատեսության նույնիսկ նշույլ չեմ տեսնում»։ ՀՅ Դաշնակցության անդամ, տնտեսագետ Թադևոս Ավետիսյանը չի կիսում Սաֆարյանի ու Գևորգյանի լավատեսությունը։ «Մենք ունենք 2018 թվականին 5,1 տոկոս տնտեսական աճ, նախատեսած ապագայի համար 5 տոկոս տնտեսական աճի տեսլական՝ առնվազն միջնաժամկետում, և ամենակարևորը՝ չունենք հստակ ծրագիր․ մենք ունենք 10-12 հազար իրական նոր աշխատատեղեր տարեկան կտրվածքով և ապագայի համար մենք ասում ենք՝ «1,5 միլիոն 30 տարում, էս թվերը բացարձակ համադրելի չեն», - ասաց Ավետիսյանը։ Հաղորդումն ամբողջությամբ կարող եք դիտել այստեղ․              

Related news

Latest News
Hashtags:   

Վարչապետի

 | 

հայտարարած

 | 

մեգանպատակները․

 | 

քննարկում

 | 

էության

 | 

տաղավարում

 | 
Most Popular (6 hours)

Most Popular (24 hours)

Most Popular (a week)

Sources