Friday 23 August 2019
Home      All news      Contact us      English
azatutyun - 15 days ago

Կնվազեն Հայաստանի ու Արցախի բջջային կապի օպերատորների մատուցած ռոումինգի ծառայությունների սակագները

Տարիներով հնչող բողոքներից հետո, թե Հայաստանի ու Լեռնային Ղարաբաղի միջև գոյություն ունեցող բջջային կապը չհիմնավորված թանկ է, և որոշ դեպքերում զանգը արտերկիր ավելի էժան է, քան Արցախ, այսօր վերջապես հայտարարվեց, որ Հայաստանի ու Արցախի բջջային կապի օպերատորների մատուցած ռոումինգի ծառայությունների սակագները առաջիկա ամիսներին էականորն նվազելու են: Վարչապետ Նիկոլ Փաշինյանը Ֆեյսբուքի իր էջում առավոտյան գրառում կատարեց․ «Հայաստանի և Արցախի իշխանությունների ներկայացուցիչների միջև ձեռք է բերվել պայմանավորվածություն, որ 2020 թվականի հունվարի 1-ից կիսամյակային պարբերականությամբ մինչև 2021 թվականի հունվարի 1-ը կնվազեցվեն Արցախում և Հայաստանում օպերատորների կողմից մատուցվող ռոումինգի ծառայությունների սակագները։ Այս գործընթացի վերջնական նպատակը, իհարկե, միասնական գնային համակարգ ունենալն է Հայաստանում և Արցախում»: Հանրային ծառայությունները կարգավորող հանձնաժողովի նախագահ Գարեգին Բաղրամյանին այսօր՝ կառավարության նիստից հետո խնդրեցինք մանրամասնել, թե հունվարի 1-ից ի՞նչ սակագներ են գործելու: «Երբ որ կլինեք Ղարաբաղում, ելքային զանգ կկատարեք, կվճարեք 29 դրամով 38-ի փոխարեն, որը 6-ամսյա կտրվածքներով մինչև 21 թվականի հունվարին կնվազի մինչև 27 դրամ։ Մուտքային զանգերը 25-ից կնվազեն մինչև 15 դրամ, այնուհետև մինչև 13 դրամ, էական նվազեցում կլինեն ինտերնետի հասանելիության գների մեջ՝ գործող 45 դրամը հունվարի 1-ից կդառան 22 դրամ, այնուհետև մինչև 21 թվականի հունվարի 1-ը կնվազի 15 դրամի։ SMS-ների 40 դրամը կնվազի 15 դրամ, այնուհետև մինչև 10 դրամ», - պատասխանեց Բաղրամյանը։ «Ազատության» դիտարկմանը, որ այսինքն անգամներով, ոչ թե տոկոսներով էր հնարավոր նվազեցնել, այնինչ տարիներ ի վեր Լեռնային Ղարաբաղի, Հայաստանի իշխանությունները որևէ քայլ չէին անում, մենք չէինք տեսնում դա, սա ինչպե՞ս կմեկնաբանեի, Բաղրամյանն արձագանքեց. «Այդ մեկնաբանությունները խնդրում եմ տաք նրանց, ովքեր չեն արել այդ քայլերը»։ Արցախի հետ բջջային կապի թանկ լինելուց հատկապես բողոքում են այնտեղ զինվորական ծառայություն մեջ գտնվողների հարազատները, ու չնայած հարցը ժամանակ առ ժամանակ բարձրացվում էր և սրվեց ապրիլյան պատերազմի ու դրան հաջորդած շաբաթների ընթացքում, սակայն այդպես էլ լուծում չստացավ: Մարդիկ հայաստանյան գներից անհամեմատ թանկ շարունակում են զանգահարել Արցախ և Արցախից Հայաստան: «Մինչև հոկտեմբեր, նոյեմբեր, եթե չեմ սխալվում, ընդեղ կատարվում են ներդրումներ և 3G ցանց է ներդրվում, այսինքն հենց նաև այդ գների պատճառով իրանք ահագին հետ են ընկել զարգացման առումով։ Նաև մի օբյեկտիվ պատճառն էլ այդ է, որ էսօր ընդունում են էդ պայմանները և ընդունում են էն գնային քաղաքականությունը, որ պետք է նվազեցվի։ Էդ նվազեցումը շատ դեպքերում ոչ թե բերելու է եկամտի կորստի, այլ կարող է ավելի մեծ եկամուտներ ապահովել», - նշեց Գարեգին Բաղրամյանը։ Արցախի խորհրդարանի ընդդիմադիր «Վերածնունդ» խմբակցության ղեկավար Հայկ Խանումյանի խոսքով, Արցախում և՛ բարձր սակագնի, և՛ անորակ բջջային ու ինտերնետ կապի պատճառը միակ բջջային օպերատոր Karabakh Telecom-ի մոնոպոլ կարգավիճակն է: «Գլխավոր խնդիրը եղել է մոնոպոլիան և իհարկե տեխնիկական որոշ խնդիրներ, իսկ ամենալուրջ խնդիրը ոչ թե բջջային կապի ռոումինգի խնդիրն է եղել տնտեսության լայն կտրվածքով զարգացման համար, այլ ինտերնետի ցածր որակը և բարձր գները, որն էլ հնարավորություն չի տվել բարձր տեխնոլոգիաներին, տեղեկատվական տեխնոլոգիաներին արագությամբ զարգանալ Արցախում, ինչպես դա տեղի է ունեցել Հայաստանի մնացած մասերում», - ասաց Հայկ Խանումյանը։ Հարցին էլ, թե մոնոպոլիան ինչո՞վ է բացատրում, Խանումյանը պատասխանեց. «Մոնոպոլիայի ամբողջ մեղքը ընկած է գործող իշխանությունների վզին, այս պահին էլ կա ներդրող, որը ցանկանում է որպես երկրորդ օպերատոր մտնել Արցախ, ներդրումներ անել, բավականին էժան ու որակյալ կապ մատուցել, սակայն Արցախի իշխանությունների կողմից նրա մուտքը խոչընդոտվում է»։ Նախորդ օրերին «Ազատության» նկարահանող խումբը Արցախում էր՝ լուսաբանելու Ստեփանակերտում Հայաստանի ու Արցախի բարձրաստիճան ներկայացուցիչների մասնակցությամբ կայացած հանրահավաքը և Համահայկական 7-րդ խաղերի մեկնարկի հանդիսավոր արարողությունը, և կարող ենք փաստել, որ բջջային ինտերնետը, փաստորեն, չէր գործում, թույլ էր WiFi կապը, իսկ հանրահավաքի վայրում և մարզադաշտում հաճախ անհասանելի էր անգամ բջջային կապը: Կապվեցինք նաև Արցախում փաստացի մենաշնորհային կարգավիճակով գործող Karabakh Telecom-ի հետ: Ընկերության լրատվական ծառայությունից հայտնեցին, որ վաղն են հանդես գալու հայտարարությամբ:

Related news

Latest News
Hashtags:   

Կնվազեն

 | 

Հայաստանի

 | 

Արցախի

 | 

բջջային

 | 

օպերատորների

 | 

մատուցած

 | 

ռոումինգի

 | 

ծառայությունների

 | 

սակագները

 | 
Most Popular (6 hours)

Most Popular (24 hours)

Most Popular (a week)

Sources