Friday 23 August 2019
Home      All news      Contact us      English
azatutyun - 15 days ago

Ղրղըզստանի նախկին նախագահ Ալմազբեկ Ատամբաևը ձերբակալվեց

Ղրղըզստանի նախկին նախագահ Ալմազբեկ Ատամբաևը ի վերջո ձերբակալվեց՝ հատուկ ջոկատայինների կողմից նրա տան վրա իրականացված երկրորդ գրոհից հետո: Այսօր ավելի վաղ իրավապահները վերստին շրջապատել էին նախկին առաջնորդի՝ Կոյ Տաշ ավանում գտնվող առանձնատունը․«Ինտերֆաքսի» տեղեկություններով, հատուկ այդ գործողությանը մասնակցել են ներքին գործերի նախարարության մոտ 2000 աշխատակիցներ, բուն գործողությունը ղեկավարել է Ներքին գործերի նախարար Քաշքար Դջու-նուշ-ալիևը: ՏԱՍՍ-ը, հղում անելով Ատամբաևի շտաբին, հաղորդում է, թե նախկին նախագահն ինքն է հանձնվել իրավապահներին՝ խաղաղ բնակչության շրջանում նոր զոհերից խուսափելու համար: Երեկ նրան ձերբակալելու՝ ուժայինների փորձն ավարտվել էր անհաջողությամբ, Ատամբաևի աջակիցները կրակ էին բացել իրավապահների ուղղությամբ, հատուկ ջոկատայիններից մեկը սպանվել էր, ավելի քան 5 տասնյակ մարդ՝ վիրավորվել: Այսօրվա իրադարձությունների հետևանքով, ըստ Առողջապահության նախարարության, տուժել են հինգը, չորսը իրավապահներ են, որոնք հրազենային վնասվածքներ են ստացել, մեկը՝ շարքային քաղաքացի, ով վնասվել է լուսաձայնային նռնակի պայթյունից: Ատամբաևը, ով ղեկավարել է Ղրղըզստանը 2011-ից -17 թվականներին, մեղադրվում է քրեական օրենսգրքի հինգ հոդվածներով, այդ թվում՝ իշխանությունը չարաշահելու, ապօրինի հարստանալու և խոշոր կոռուպցիայի համար: Վերջինս կտրականապես հերքում է այս մեղադրանքները:

Related news

Latest News
Hashtags:   

Ղրղըզստանի

 | 

նախկին

 | 

նախագահ

 | 

Ալմազբեկ

 | 

Ատամբաևը

 | 

ձերբակալվեց

 | 
Most Popular (6 hours)

Most Popular (24 hours)

Most Popular (a week)

Sources