Thursday 22 August 2019
Home      All news      Contact us      English
azatutyun - 14 days ago

BBC-ին Մարտի 1-ի գործի վերաբերյալ տեղեկատվություն ՀՔԾ-ից չի տրամադրվել, վստահեցնում են ծառայությունում

BBC-ի ռուսական ծառայությանը որևէ տեղեկատվություն Հատուկ քննչական ծառայությունից (ՀՔԾ) չի տրամադրվել։ Այդ մասին «Ազատությանը» հայտնեցին ՀՔԾ-ից: «Ավելին, դեռևս 2019 թվականի հուլիսի 4-ին նրանք հարցում էին ուղարկել ՀՔԾ՝ Մարտի 1-ի գործով որոշ տեղեկություններ ճշտելու նպատակով, սակայն հուլիսի 9-ին ՀՔԾ-ից նրանց պատասխանվել է, որ նրանց հարցերի վերաբերյալ որևէ տեղեկատվություն չի կարող տրամադրվել՝ նախաքննության շահերից ելնելով», - հավելեցին Հատուկ քննչական ծառայությունից: Բրիտանական հեղինակավոր լրատվամիջոցը, հիշեցնենք, Մարտի 1-ի գործի քննության վերաբերյալ երեկվա հրապարակման մեջ պնդել էր, որ հետաքննության նյութերին ծանոթանալու բացառիկ հնարավորություն է ստացել: Ըստ այդ փաստաթղթերի, մասնավորապես, քննությունը կարծում է, որ 2008 թվականի մարտի 1-ին ցուցարարների ուղղությամբ կրակ բացելու գործողությունը ղեկավարել է Արցախի գեներալ-մայոր Սամվել Կարապետյանը, ով հայտնի է Օգանովսկի մականվամբ, և որ գործում որպես առանցքային դերակատարներ հանդես են գալիս նաև Հայաստանի նախկին նախագահներ Ռոբերտ Քոչարյանն ու Սերժ Սարգսյանը, ինչպես նաև այդ օրերին մեծ ազդեցություն ունեցող երկու պատգամավոր-գործարարներ՝ ԲՀԿ առաջնորդ Գագիկ Ծառուկյանն ու ՀՀԿ խմբակցության նախկին անդամ Սամվել Ալեքսանյանը, հաղորդել էր BBC-ն:        

Related news

Latest News
Hashtags:   

Մարտի

 | 

գործի

 | 

վերաբերյալ

 | 

տեղեկատվություն

 | 

տրամադրվել

 | 

վստահեցնում

 | 

ծառայությունում

 | 
Most Popular (6 hours)

Most Popular (24 hours)

Most Popular (a week)

Sources