Friday 23 August 2019
Home      All news      Contact us      English
tert.am - 15 days ago

Ղրղզստանում պատմել են Աթամբաևի ձերբակալման հատուկ գործողության ժամանակ պատանդ վերցված հատուկջոկատայինների առողջական վիճակի մասին

Ղրղզստանի նախկին նախագահ Ալմազբեկ Աթամբաևի ձերբակալման հատուկ գործողության ժամանակ պատանդ վերցված հատուկջոկատայինների վիճակը գնահատվում է միջին ծանրության: Այս մասին հաղորդում է ria.ru-ն՝ երկրի առողջապահության նախարարությանը հղումով: Աղբյուրի հաղորդմամբ՝ բժիշկներն օգնություն են ցուցաբերել 6 հատուկջոկատայինի: Նրանց մոտ տարբեր վնասվածքներ են. երկուսի մոտ հրազենային վնասվածքներ են, մյուսների մոտ՝ կապտուկներ, կտրած վերքեր: Այժմ Կոյ Տաշ գյուղում, որտեղ գտնվում է Աթամբաևի կեցավայրը, հերթապահում են բժիշկների բրիգադները: Նշվում է, որ տեղի բնակիչներից բուժօգնություն ստանալու նպատակով դիմել է 21 մարդ, նրանք հրաժարվել են հոսպիտալացումից: Ավելի վաղ հաղորդվել էր, որ բժիշկները ժամանել են Ալմազբեկ Աթամբաևի կողմնակիցների մոտ պատանդ պահվող հատուկջոկատայիններին բուժօգնություն ցուցաբերելու: Ինչպես ավելի վաղ հաղորդել էր Tert.am-ը, երեկ երեկոյան հատուկ ծառայությունները գործողություն են սկսել Աթամբաևի ձերբակալման համար: Գործողությունը սկսվել է Կոյ Տաշ գյուղում՝ նրա կեցավայրի տարածքում: Նրանք նախկին նախագահի կողմնակիցների ուղղությամբ հատուկ միջոցներ են կիրառել, վերջիններս էլ պատասխան կրակ են բացել: Միջադեպի հետևանքով 43 մարդ է տուժել, մեկ հատուկջոկատային զոհվել է: Իրավապահ համակարգի պաշտոնյաներից մեկը կոմայի մեջ է: Աթամբաևին ձերբակալել չի հաջողվել: Ղրղզստանի գլխավոր դատախազությունը քրեական գործ է հարուցել Զանգվածային անկարգություններ և Խուլիգանություն հոդվածներով: Նրան ձերբակալելու պատճառ է դարձել այն, որ նա երեք անգամ չի ներկայացել հարցաքննության՝ որպես քրեական հեղինակություն Ազիզ Բատուկաևին ապօրինի ազատ արձակելու գործով վկա: Աթամբաևը Ղրղզստանի նախագահ է եղել 2011-2017 թվականներին: Նա ընտրությունների արդյունքում ինքնակամ իշխանությունը փոխանցել է Սոորոնբայ Ժեենբեկովին:

Related news

Latest News
Hashtags:   

Ղրղզստանում

 | 

պատմել

 | 

Աթամբաևի

 | 

ձերբակալման

 | 

հատուկ

 | 

գործողության

 | 

ժամանակ

 | 

պատանդ

 | 

վերցված

 | 

հատուկջոկատայինների

 | 

առողջական

 | 

վիճակի

 | 

մասին

 | 
Most Popular (6 hours)

Most Popular (24 hours)

Most Popular (a week)

Sources