Sunday 18 August 2019
Home      All news      Contact us      English
azatutyun - 11 days ago

Մարտյան իրադարձությունների ժամանակ զոհվածի մայրն ասում է՝ 2008-ից հետո ընտանիքը ենթարկվել է ճնշումների

2008-ի մարտիմեկյան արյունալի իրադարձությունների ժամանակ «Չերյոմուխա» տեսակի հատուկ միջոցի կիրառումից զոհված Տիգրան Խաչատրյանի մայրը՝ Ալլա Հովհաննիսյանը պատմում է՝ 2008-ից հետո ընտանիքը ենթարկվել է ճնշումների, որից հետո մեկնել են երկրից և 2013 թվականից բնակվում են Բելգիայում։ Շուրջ 6,5 տարի անց առաջին անգամ Հայաստան է վերադարձել։ Հովհաննիսյանը 11 տարի անց էլ սարսափով է վերհիշում որդու սպանության դրվագները․ «Մեքենայի ձայնը լսվեց, երևի գիշերը 3-ի կողմերն էր։ Ես մոտեցա դռանը գոռացի՝ Հովսեփ, Տիկոյին բերե՞լ ես, ասեց՝ չէ։ էդ բառերը էս 6,5 տարի է ինձ հետապնդում է։ Ասեցի՝ բռնե՞լ են, ասեց՝ չէ, ասեցի՝ վիրավո՞ր է, ասեց՝ չէ, սպանել են»։ Մարտյան իրադարձությունների զոհի մայրն ասում է՝ Մարտի 1-ի դատավարության ընթացքն իրեն չի գոհացնում։ «Կարծում եմ, որ երևի թե ոստիկանության միջին օղակներում մարդիկ կան, որ աշխատել են հին իշխանության հետ։ Նրանք չեն ուզում, թե դանդաղում են, թե խառն եմ ինչ-որ ձևով և դա է պատճառը, որ մարտի 1-ի բացահայտումները...., որովհետև եթե այսպես նայենք հիմա միայն Քոչարյանն է, որ կալանավորված է։ Գեղամ Պետրոսյանին բաց թողեցին։ Առաջին պահին շատ հիասթափվեցի, անգամ Ֆեյսբուքում ինչ-որ մի բան գրառում արեցի, չեմ հիշում ինչ, բայց ես հասկանում եմ՝ 10 տարի կեղծել են, 10 տարի բոլոր հետքերը վերացրել են ու էսօր, օրինակ, Գեղամ Պետրոսյանի զենքից ասում են չի եղել։ Բայց ո՞վ կարող է ասել, որ իր մոտ երկրորդ զենքը չի եղել, երրորդը չի եղել», - նշեց Ալլա Հովհաննիսյանը։

Related news

Latest News
Hashtags:   

Մարտյան

 | 

իրադարձությունների

 | 

ժամանակ

 | 

զոհվածի

 | 

մայրն

 | 

ասում

 | 

ընտանիքը

 | 

ենթարկվել

 | 

ճնշումների

 | 
Most Popular (6 hours)

Most Popular (24 hours)

Most Popular (a week)

Sources