Monday 16 September 2019
Home      All news      Contact us      English
tert.am - 2 month ago

Վստահ եմ եթե Ստամբուլյան կոնվենցիան վավերացնեն, ԼԳԲՏ անձանց թիվը կտրուկ ավելանալու է․ Արա Զոհրաբյանը կոչ արեց ՀՀ վարչապետին, ՍԴ-ին և ԱԺ-ին մերժել կոնվենցիան

Կոչ ենք անում ՀՀ վարչապետին, ՍԴ-ին և ԱԺ-ին մերժել Ստամբուլյան կոնվենցիայի վավերացումը․այսօր հրավիրված ասուլիսին հայտարարեց փաստաբան Արա Զոհրաբյանը, ով նշեց, որ հանդես չի գալիս որպես Փաստաբանների պալատի նախագահ։ Նա տեղեկացրեց, որ մի խումբ փաստաբանների կողմից ստեղծվել է Ո՛չ Ստամբուլյան կոնվենցիային նախաձեռնություն, որի անունից էլ հանդես է գալիս։ Զոհրաբյանը նշեց, որ իրենք քաղաքական որևէ ուղղվածություն չունեն, ուղղակի մերժում են երկրի համար ցանկացած վնասակար նախաձեռնություն՝ կլինի նախորդ իշխանության կողմից սկսած և ներկա իշխանության կողմից շարունակող, թե նոր-նոր նախաձեռնվող։ Հարցին՝ ինչու նախկինում չէին խոսում այս մասին, Արա Զոհրաբյանն ասաց, որ մշտապես հրապարակային քննադատել են։ Նույնիսկ եթե որևէ քաղաքացի կամ պաշտոնյա, անկախ պատճառից, չի խոսել, բայց հիմա միացել է նախաձեռնությանը, ապա չի կարելի նրան պիտակավորել ,-ասաց նա։ Անդրադառնալով այն դիտարկումներին, որ կոնվենցիայի ընդունման հարցի արդիականություն չկա, նման օրակարգ էլ չկա և նրանք ոչինչից են սարքել պատմություն՝ փաստաբանը նշեց, որ կոնվենցիայի ընդունման հարցը իշխանությունների օրակարգում է, կան բարձրաստիճան անձանց հայտարարություններ, առնվազն՝ նախարարի և փոխնախարարի մակարդակով։ Արա Զոհրաբյանը նշեց, որ կոնվենցիայում կան դրական կարգավորումներ, և դրանց մեծ մասը մեր երկրի օրենսդրությունը կարգավորել է. կոնվենցիան չվավերացնելու դեպքում էլ պետությունը չի կաշկանդվի լավ կարգավորումները ներառել մեր օրենսդրության մեջ։ Նա խոսեց նաև Կոնվենցիայում տեղ գտած խնդիրներից և նշեց, որ դրա ընդունումը երեք վտանգ է ներկայացնում՝ նախ, որ ԼԳԲՏ համայնքի անդամների՝ ընտանիք ստեղծելու իրավական խոչընդոտները կվերցվեն, եթե չվերցվեն, ապա կթուլանան, ինչը երկրի ծնելիության վրա կարող է անդրադառնալ։ Նրա խոսքով՝ կոնվենցիայի ընդունմամբ հնարավորություն է ստեղծվում, որպեսզի իրենց կին համարող տղամարդիկ ներկայանան որպես կին, ինչը բանակի մարտունակության վրա կազդի։ Փաստաբանը պնդեց, որ այս կոնվենցիան առնչվում է հենց ԼԳԲՏ անդամներին, թեև ներկայացվում է որպես նպատակ՝ պաշտպանելու կանանց բռնության բոլոր ձևերից և կանխելու ընտանեկան բռնությունը։ Նշվում է, որ զոհերին տրվող աջակցությունն ապահովում են առանց մաշկի գույնի, կրոնի, սեռական կողմնորոշման, գենդերային խտրականության և այլ տարբերակման։ ԼԳԲՏ անձինք Ստամբուլյան կոնվենցիայի իմաստով կարող են համարվել ընտանեկան բռնության զոհեր, այսինքն՝ ընտանեկան բռնության մեջ համարվում են ընտանեկան միավորը և զուգընկերը, այսինքն՝ այն տեսակետը, թե նրանց չի առնչվում կոնվենցիան, հիմնավոր չէ ,-ասաց նա։ Նա մտահոգիչ կարգավորում համարեց այն, որ պետք է ձեռնարկվեն համապատասխան քայլեր, որ կրթական ծրագրում ընդգրկվեն կանանց և տղամարդկանց միջև հավասարության, կարծրատիպերից զերծ գենդերային դերերի և անձեռնմխելիության ուսումնական նյութեր։ Մեր կարծիքով, դա առնչվում է ԼԳԲՏ անձանց, և երեխաներին նման ծրագրեր պարտադրելը կարող է խնդիրներ առաջացնել ,-ասաց նա։ Արա Զոհրաբյանը նշեց, որ կապված հարցի սրացումից՝ օրենքով նախատեսված բոլոր միջոցներին դիմելու են, այդ թվում նաև խաղաղ հավաքների՝ հասնելու խաղաղ մերժման։ Վստահ եմ, եթե կոնվենցիան վավերացնեն՝ միջավայր ստեղելով, ԼԳԲՏ-ների թիվը կտրուկ ավելանալու է ,-ասաց նա։

Related news

Latest News
Hashtags:   

Վստահ

 | 

Ստամբուլյան

 | 

կոնվենցիան

 | 

վավերացնեն

 | 

անձանց

 | 

կտրուկ

 | 

ավելանալու

 | 

Զոհրաբյանը

 | 

վարչապետին

 | 

մերժել

 | 

կոնվենցիան

 | 
Most Popular (6 hours)

Most Popular (24 hours)

Most Popular (a week)

Sources