Thursday 21 November 2019
Home      All news      Contact us      English
tert.am - 4 month ago

Էներգետիկ համակարգում վթարն անփորձ կառավարման հետևանք էր, բաց տեքստով ասվեց, թե ինչքան միահյուսված է ՀՀ-ի էներգետիկ համակարգն Իրանին. Ա. Բաբաջանյան

Տեղի ունեցածը ոչ սաբոտաժ էր, ոչ էլ դիվերսիա, ընդամենը անփորձ կառավարման հետևանք էր: Tert.am-ի հետ զրույցում նման տեսակետ հայտնեց Լուսավոր Հայաստան խմբակցության պատգամավոր Արման Բաբաջանյանը՝ անդրադառնալով օրեր առաջ էներգետիկ համակարգում տեղի ունեցած վթարին: Մենք շատ մեծ ճգնաժամից ենք խուսափել, չեմ ուզում դրամատիկ բնորոշումներ տալ տեղի ունեցածին, ոչ մի դիվերսիայի խնդիր չկա: Ես կարծում եմ՝ ընդամենը պատշաճորեն չի գնահատվել այն վիճակը, որ առաջացավ, և, ըստ էության, մենք գտնվում էինք էլեկտրաէներգիայի ծախսի պիկային ռեժիմում, և անհրաժեշտ նախապատրաստական աշխատանքներ չեն արվել: Կարծում եմ, որ փորձությունը մենք հաղթահարել ենք, և այն, ինչ տեղի ունեցավ հանրապետությունում, առնվազն դաս է համապատասխան գերատեսչությունների և ոլորտի պատասխանատուների համար, որպեսզի արագորեն լուծումներ գտնեն ֆորսմաժորի կրկնությունը բացառելու համար ,-ասաց նա: Նա, մասնավորապես, անդրադարձավ ՀՀ տարածքային կառավարման և ենթակառուցվածքների փոխնախարար Հակոբ Վարդանյանի այն հայտարարությանը, թե հնարավոր վարկածներից է, որ իրանական կողմում տատանումն է վթարի պատճառը եղել: Նշենք, որ փոխնախարարը նշել էր, որ մեզ մոտ տեղի ունեցող տատանումները զգացվում են Իրանում, իսկ Իրանի կողմինը՝ մեզ մոտ: Վարկածներից մեկն այն է, որ տատանումները եկել են իրանական էներգահամակարգի հիմքում եղած վթարից: Մենք մեր իրանցի գործընկերների հետ եղել ենք կապի մեջ, իրենք փաստել են, որ նույն ժամանակահատվածում իրենց մոտ եղել է վթար ,-մասնավորապես ասել էր նա: Արման Բաբաջանյանը նշեց, որ ինքն անփորձություն ասելով նկատի ունի հենց փոխնախարարին: Կարծում եմ՝ փոխնախարարն առնվազն այդպիսի ասուլիս տալուց առաջ պետք է կշռադատեր իր հայտարարությունները, և այդ ենթադրությունները, որոնք արվում էին ասուլիսի ընթացքում, ավելացնում էին այն տագնապները, որոնք որ կային հանրության մոտ: Կարծում եմ, որ նույնիսկ այդ փոխնախարարը լրջորեն չի տիրապետում իրավիճակին, և ես ուրախ եմ, որ նա և նրա նման անփորձները չեն մեր էներգետիկ համակարգի պատասխանատուները ,-ասաց նա: ԼՀԿ պատգամավորը նշեց, որ ասուլիսին հանրությանը բաց տեքստով ասվեց, թե ինչքան միահյուսված է Հայաստանի էներգետիկ համակարգն Իրանին: Սրանով աշխարհին փաստորեն ուղերձ հղեցինք, որ թիվ մեկ սպառնալիքն այն է, որ հարևան երկրի հետ ունենք միահյուսված էներգետիկ համակարգ և դրանով կրկնակի խոցելի դարձրինք նաև Հայաստանի էներգետիկ համակարգը: Այստեղ այդ փաստը լրջորեն վերատեսության ենթարկելու անհրաժեշտություն եմ տեսնում, այստեղ եվրոպական ուղղությամբ աշխատանքի անհրաժեշտություն եմ տեսնում այդ միահյուսվածությունը դիվերսիֆիկացնելու տեսանկյունից ,-ասաց նա: Ինչ վերաբերում է ռուսական կողմի հետ դիվերսիֆիկացված լինելու հանգամանքին, Բաբաջանյանը նշեց, թե Ռուսաստանի հետ բավական խորը համագործակցություն արդեն իսկ կա էներգետիկ համակարգում: Նույնիսկ դրա ավելցուկն ունենք, և ավելի պետք չի ռուսների հետ խորացնել այդ համագործակցությունը, ուղղակի պետք է աշխատել մյուս ուղղություններով՝ Չինաստանի ուղղությամբ, եվրոպական ուղղությամբ, և դրանով Հայաստանն ավելի ազատ հնարավորություն կունենա շարժվել ,-եզրափակեց նա:

Related news

Latest News
Hashtags:   

Էներգետիկ

 | 

համակարգում

 | 

վթարն

 | 

անփորձ

 | 

կառավարման

 | 

հետևանք

 | 

տեքստով

 | 

ասվեց

 | 

ինչքան

 | 

միահյուսված

 | 

էներգետիկ

 | 

համակարգն

 | 

Իրանին

 | 

Բաբաջանյան

 | 
Most Popular (6 hours)

Most Popular (24 hours)

Most Popular (a week)

Sources