Monday 18 November 2019
Home      All news      Contact us      English
azatutyun - 4 month ago

Նիկոլ Փաշինյանը շնորհավորել է Էմանյուել Մակրոնին և Էդուարդ Ֆիլիպին Ֆրանսիայի Ազգային տոնի կապակցությամբ

Վարչապետ Նիկոլ Փաշինյանը շնորհավորել է Ֆրանսիայի  նախագահ Էմանյուել Մակրոնին և է Ֆրանսիայի վարչապետ Էդուարդ Ֆիլիպին Ֆրանսիայի Ազգային տոնի կապակցությամբ: Ըստ վարչապետի պաշտոնական կայքէջի, Մակրոնին ուղղվված ուղերձում, մասնավորապես, ասված է. - «Հայ ժողովրդի և անձամբ իմ անունից ջերմորեն շնորհավորում և լավագույն մաղթանքներ եմ հղում Ձեզ և Ֆրանսիայի բարեկամ ժողովրդին Ֆրանսիայի Հանապետության Ազգային տոնի՝ Հուլիսի 14-ի կապակցությամբ: Հայ և ֆրանսիացի ժողովուրդների միջև դարավոր պատմություն ունեցող բարեկամությունը և մեր պետությունների միջև առանձնաշնորհյալ հարաբերությունները, բարձր մակարդակի քաղաքական երկխոսությունն ու փոխվստահությունը կայուն հիմք են հանդիսանում հայ-ֆրանսիական փոխգործակցության շարունակական զարգացման և խորացման համար»: Փաշինյանը նաև նշել է, որ Հայաստանի համար շատ կարևոր էր ապրիլի 24-ի ներառումը ֆրանսիական հանրապետական օրացույցում՝ որպես Հայոց ցեղասպանության հիշատակի օր, ինչի կապակցությամբ ևս մեկ անգամ շնորհակալություն է հայտնել: «Մենք մեծապես կարևորում ենք Ֆրանսիայի՝ որպես ԵԱՀԿ Մինսկի խմբի համանախագահի, Ռուսաստանի և ԱՄՆ հետ միասին գործադրվող շարունակական ջանքերը՝ ուղղված Լեռնային Ղարաբաղի հակամարտության խաղաղ կարգավորմանը և մեր տարածաշրջանում խաղաղության, անվտանգության և կայունության ամրապնդմանը: Բարձր եմ գնահատում հայ-ֆրանսիական սերտ համագործակցությունը միջազգային հարթակներում, այդ թվում՝ Ֆրանկոֆոնիայի միջազգային կազմակերպության շրջանակներում: Ֆրանսիան մշտապես աջակցել է Հայաստան-ԵՄ հարաբերությունների առաջմղմանը, և լիահույս ենք, որ այն ապագայում ևս կշարունակվի: Այսօր, երբ Հայաստանի կառավարությունը նախաձեռնել է հավակնոտ բարեփոխումների գործընթաց, հատկապես արդիական է դառնում Հայաստան-ԵՄ համագործակցության օրակարգի իրականացման հարցում Ֆրանսիայի աջակցությունը: Կրկին շնորհավորելով Ձեզ Ազգային տոնի առթիվ՝ մաղթում եմ մեծ հաջողություններ Ձեր բարձր առաքելության մեջ՝ ի նպաստ Ֆրանսիայի բարգավաճման և ֆրանսիացի բարեկամ ժողովրդի հետագա առաջընթացի և բարօրության», - իր ուղերձում ասել է Հայաստանի վարչապետը: Իսկ Ֆրանսիայի վարչապետին ուղղված շնորհավորանքում Փաշինյանը համոզմունք է հայտնել, որ համատեղ ջանքերով կշարունակեն ամրապնդել Հայաստանը և Ֆրանսիան միավորող առանձնաշնորհյալ հարաբերություններն ինչպես երկկողմ, այնպես էլ բազմակողմ ձևաչափերով՝ ի շահ երկու ժողովուրդների։ «Եվրոպական միության հետ ստորագրված Համապարփակ և ընդլայնված գործընկերության համաձայնագիրը նոր հորիզոններ է բացում ԵՄ անդամ երկրների հետ Հայաստանի՝ նոր որակի փոխգործակցության համար: Վստահ եմ, որ մեր երկրներն առավելագույնս կօգտվեն ՀԸԳՀ-ի ընձեռած հնարավորություններից», - ասել է Փաշինյանը:

Related news

Latest News
Hashtags:   

Նիկոլ

 | 

Փաշինյանը

 | 

շնորհավորել

 | 

Էմանյուել

 | 

Մակրոնին

 | 

Էդուարդ

 | 

Ֆիլիպին

 | 

Ֆրանսիայի

 | 

Ազգային

 | 

կապակցությամբ

 | 
Most Popular (6 hours)

Most Popular (24 hours)

Most Popular (a week)

Sources