Thursday 18 July 2019
Home      All news      Contact us      English
tert.am - 6 days ago

«Դեպի Վրաստան թռիչքները դադարեցնելու մասին ՌԴ որոշումն անհամաչափ է ու անարդար». Տուսկ

Եվրոպական խորհրդի նախագահ Դոնալդ Տուսկի կարծիքով՝ Վրաստանի հետ ավիահաղորդակցությունը դադարեցնելու մասին Ռուսաստանի Դաշնության իշխանությունների որոշումն անարդար է, գրում է apsny.ge-ն: Վրաստանի նախագահ Սալոմե Զուրաբիշվիլիի հետ երեկ կայացած ասուլիսի ժամանակ Տուսկն անդրադարձել է ռուսական իշխանությունների որոշմանը: ՌԴ որոշումն անհամաչափ է, անարդար: Այս պարագայում Եվրամիությունն իր համերաշխությունն է հայտնում Վրաստանին և և լիովին հաստատում է Վրաստանի տարածքային ամբողջականությունը: Մենք կիսում ենք ընդհանուր արժեքները, Վրաստանը բազմիցս ցույց է տվել ժողովրդավարական բարեփոխումներին, օրենքի գերակայության հաստատմանն իր հանձնառությունը ,- ասել է Տուսկը: Միևնույն ժամանակ, ըստ նրա, այս համագործակցության շրջանակում երկրի դատական համակարգն ավելի շատ հանրային վստահություն ձեռք կբերի, իսկ տնտեսությունն առավել գրավիչ կդառնա օտարերկրյա ներդրողների համար: Հիշեցնենք, որ Ռուսաստանի Դաշնության նախագահ Վլադիմիր Պուտինը հրամանագիր է ստորագրել, որը ռուսական ավիաընկերություններին արգելում է հուլիսի 8-ից սկսած ՌԴ քաղաքացիներին փոխադրել Վրաստանի տարածք: Նշվում է, որ հրամանագիրն ստորագրվել է Ռուսաստանի և նրա քաղաքացիների ազգային անվտանգության պահպանման նկատառումներից ելնելով և գործելու է ժամանակավոր: Սույն հրամանագրով տուրօպերատորներին խորհուրդ է տրվում արգելքի գործողության ժամանակահատվածում ուղեգրեր չվաճառել դեպի Վրաստան։ Այն նաև կառավարությանը կարգադրում է Վրաստանում գտնվող ՌԴ քաղաքացիներն օգնել, որպեսզի վերադառնան Ռուսաստան։

Related news

Latest News
Hashtags:   

Վրաստան

 | 

թռիչքները

 | 

դադարեցնելու

 | 

մասին

 | 

որոշումն

 | 

անհամաչափ

 | 

անարդար

 | 

Տուսկ

 | 
Most Popular (6 hours)

Most Popular (24 hours)

Most Popular (a week)

Sources