Wednesday 17 July 2019
Home      All news      Contact us      English
tert.am - 5 days ago

«Մենք ունենք միայն մեկ իրական արժույթ ԱՄՆ-ում, և կոչվում է այն դոլար». Թրամփն անվստահելի է համարել թվային արժույթները

Միացյալ Նահանգների նախագահ Դոնալդ Թրամփը հայտարարել է, որ թվային արժույթների կողմնակից չէ, և խորհուրդ է տվել Facebook-ին և թվային արժույթ թողարկող այլ ընկերությունների բանկային արտոնագրեր ստանալ ու աշխատել բանկային կարգավորման շրջանակում: Ես բիթքոինի ու այլ կրիպտոարժույթների սիրահար չեմ, դրանք փող չեն, և դրանց արժեքը շատ փոփոխական է ու օդից կախված Եթե Facebook-ն ու այլ ընկերություններ ցանկանում են բանկ դառնալ, ապա նրանք պետք է նոր բանկային արտոնագրի համար դիմեն և ամբողջ բանկային օրենսդրության օբյեկտ դառնան, ինչպես մյուս բանկերը ,- գրել է նա Twitter-ում: ԱՄՆ նախագահի կարծիքով՝ առանց կարգավորման կրիպտոարժույթները նպաստում են անօրինական գործարքներին, այդ թվում՝ թմրանյութերի վաճառքի ոլորտում: Մենք ունենք միայն մեկ իրական արժույթ ԱՄՆ-ում, այն ամուր է, ինչպես երբևէ, կայուն ու հուսալի: Ավելին, այն ամենագերիշխող արժույթն է աշխարհում և միշտ կլինի այդպիսին: Եվ կոչվում է այն Միացյալ Նահանգների դոլար ,- հավելել է Թրամփը: Ինչպես ավելի վաղ հաղորդել էր tert.am-ը, ամերիկյան Facebook ընկերությունը սեփական թվային արժույթն է թողարկում՝ Libra-ն, որը հնարավոր կլինի 2020 թվականից գնել սոցկայքի հարթակներում և պահպանել Calibra կոչվող թվային դրամապանակում: Libra թվային արժույթի միջոցով հնարավոր կլինի կոճակի մեկ սեղմումով վճարումներ կատարել: Facebook-ի գործընկերներն են դարձել 27 ընկերություններ ու կազմակերպություններ, այդ թվում՝ Visa և Mastercard վճարային համակարգերը, ինչպես նաև Vodafone, Uber, Lyft, Spotify ընկերությունները: Նրանք մտել են Libra ոչ առևտրային ասոցիացիայի կազմի մեջ: Ծրագրին դեռևս չեն միացել տեխնոլոգիական ոլորտի խոշորագույն Apple, Google, Amazon և Microsoft ընկերությունները:

Related news

Latest News
Hashtags:   

ունենք

 | 

միայն

 | 

իրական

 | 

արժույթ

 | 

կոչվում

 | 

դոլար

 | 

Թրամփն

 | 

անվստահելի

 | 

համարել

 | 

թվային

 | 

արժույթները

 | 
Most Popular (6 hours)

Most Popular (24 hours)

Most Popular (a week)

Sources