Thursday 18 July 2019
Home      All news      Contact us      English
tert.am - 6 days ago

Արսեն Թորոսյանին առավելապես քննադատում կամ գովերգում են իր ոչ մասնագիտական գործունեության համար. «Մեդիա պաշտպան»

2019 թ-ի հուլիսի 1-ից 10-ը Մեդիա պաշտպան նախաձեռնությունը հետևել է առցանց մամուլում ՀՀ Առողջապահության նախարարի (Arsen Torosyan) անձին ու գործունեությանն առնչվող հոդվածներին։ Մշտադիտարկվել է ներհայաստանյան 35 առաջատար լրատվական կայք։ Նշված ժամանակահատվածում հայտարագրվել է 401 հոդված, որոնցից 64-ը եղել է բացասական, 12-ը՝ դրական, 325-ը՝ չեզոք։ Առողջապահության նախարար Արսեն Թորոսյանն այս տասնօրյակում լրատվական դաշտում բավական քննարկվել է։ Դրական հոդվածները վերաբերվում են Արսեն Թորոսյանի՝ չինացի զբոսաշրջիկներին ավտոստոպի ժամանակ օգնելուն և այն փաստին, որ նախարարի կողմից ծխելու դեմ պայքարի առնչությամբ դրական է արտահայտվել ԱԺ նախկին նախագահ Արա Բաբլոյանը։ Բացասական հոդվածները տարաբնույթ են։ Նախ՝ Արսեն Թորոսյանը քննադատությունների արժանացավ վարորդական իրավունքների հետ կապված իր հայտարարություններից հետո։ Նախարարն առաջարկում էր չեղարկել բոլորի վարորդական իրավունքները և նոր քննություն վերցնել բոլոր վարորդներից։ Թորոսյանին հիմնականում առաջարկում էին իր գործով զբաղվել և դուրս չգալ իր ոլորտի սահմաններից։ Լրատվականները վերհիշել են Արսեն Թորոսյանի՝ նախորդ տարի Սևանա լճում լողալը, երբ Սևանը կրկին կանաչել էր։ Նա քննադատվել էր այդ քայլի համար։ Լրատվականները հարց են տալիս ինչո՞ւ այս տարի Թորոսյանը չի գնում լողալու, իսկ եթե վտանգավոր է՝ ինչո՞ւ այդ մասին չի հայտարարում։ Պետք է նշել, որ նմանատիպ հոդվածներից հետո Արսեն Թորոսյանը հայտարարեց, որ Սևանա լճի ծաղկած մասերում լողալը կյանքի համար վտանգավոր է։ Արսեն Թրոսյանի անվան հետ է կապվում նաև Ստամբուլյան կոնվենցիայի դեմ հայաստանյան արշավը։ Նույնիսկ Իմ քայլը դաշինքի պատգամավորները դեմ արտահայտվեցին Ստամբուլյան կոնվենցիային։ Մինչդեռ հասարակությունը որևէ կերպ չի ընկալում այդ կոնվենցիան և հիմնականում դեմ է դրա վավերացմանը։ Չեն հանդարտվում կրքերը նաև Արսեն Թրոսյանի ընկեր Նարեկ Վանեսյանի շուրջ։ ՀՀ առողջապահության նախարարության Հոգեկան առողջության պահպանման ազգային կենտրոն ՓԲԸ-ի նախկին տնօրեն Նարեկ Վանեսյանն կրկին հայտնվել է մեղադրյալի աթոռին։ Նրան մեղադրանք են առաջադրել կաշառք վերցնելու մեջ կասկածանքով։
Ստացվում է, որ Արսեն Թորոսյանին առավելապես քննադատում կամ գովերգում են իր ոչ մասնագիտական գործունեության համար։ Մասնավորապես, չինացի զբոսաշրջիկներին տեղափոխելը, վարորդական իրավունքի հարցերը, Ստամբուլյան կոնվենցիան և Նարեկ Վանեսյանի դեպքը իսկապես որևէ կապ չունեն մասնագիտական աշխատանքի հետ:

Related news

Latest News
Hashtags:   

Արսեն

 | 

Թորոսյանին

 | 

առավելապես

 | 

քննադատում

 | 

գովերգում

 | 

մասնագիտական

 | 

գործունեության

 | 

համար

 | 

Մեդիա

 | 

պաշտպան

 | 
Most Popular (6 hours)

Most Popular (24 hours)

Most Popular (a week)

Sources