Monday 22 July 2019
Home      All news      Contact us      English
tert.am - 10 days ago

Ճապոնիայի զբոսայգիներից մեկում զբոսաշրջիկների դեն նետած պոլիէթիլենային տոպրակներն ուտելու հետևանքով 9 եղջերու է սատկել

Ճապոնիայի Նարա քաղաքի զբոսայգում պոլիէթիլենային տոպրակներ ուտելու հետևանքով 9 եղջերու է սատկել: Այս մասին հայտնում է BBC-ն՝ վայրի բնության պաշտպանության խմբին հղումով: Նարա քաղաքի եղջերուների պաշտպանության հիմնադրամը մանրամասնել է, որ մարտից հունիս ընկած ժամանակահատվածում սատկած կենդանիների ստամոքսում հայտնաբերվել են պոլիէթիլենային տոպրակներ և սննդի փաթեթներ: Ինը եղջերուներից մեկում հայտնաբերված աղբի քանակությունը 4,3 կգ է եղել ,- հայտնել է հիմնադրամի պաշտոնական ներկայացուցիչը: Մենք ապշահար էինք, դա մեծ քանակություն է ,- հավելել է նա: Ճապոնիայի հնագույն մայրաքաղաքի գեղատեսիլ զբոսայգում բնակվում է ավելի քան 1000 եղնիկ, որոնց կարելի է հանդիպել նույնիսկ փողոցներում շրջող զբոսաշրջիկների կողքին՝ նրանցից համեղ կրեկերներ հայցելիս: Զբոսաշրջիկներին արգելված է կենդանիներին կերակրել ցանկացած սննդով, բացի կրեկերներից, սակայն, ինչպես նշում է հիմնադրամի ներկայացուցիչը, որոշ այցելուներ կենդանիներին այլ տեսակի սնունդ են առաջարկում: Եղջերուները հավանաբար պոլիէթիլենային տոպրակները շփոթում են ուտելիքների հետ ,- հայտնել է նա՝ հավելելով, որ կենդանիները սովորաբար խոտով և կաղինով են սնվում: Հիմնադրամի համաձայն՝ նման դեպքերը կարող են հաճախակի դառնալ, քանի որ մեծացել է զբոսաշրջիկների թիվը, ուստի կոչ են անում պոլիէթիլենային տոպրակներն ու փաթեթները չնետել կենդանիների մոտ:

Related news

Latest News
Hashtags:   

Ճապոնիայի

 | 

զբոսայգիներից

 | 

մեկում

 | 

զբոսաշրջիկների

 | 

նետած

 | 

պոլիէթիլենային

 | 

տոպրակներն

 | 

ուտելու

 | 

հետևանքով

 | 

եղջերու

 | 

սատկել

 | 
Most Popular (6 hours)

Most Popular (24 hours)

Most Popular (a week)

Sources