Tuesday 23 July 2019
Home      All news      Contact us      English
tert.am - 11 days ago

Ուկրաինական NewsOne հեռուստաալիքը ԶԼՄ-ների վրա ճնշում գործադրելու պատճառով դիմել է միջազգային կազմակերպություններին

Ուկրաինական NewsOne հեռուստաալիքի աշխատակիցներն Ուկրաինայի կառավարության կողմից ԶԼՄ-ների վրա ճնշում գործադրելու և սպառնալիքների պատճառով դիմել են միջազգային կազմակերպություններին: Այս մասին գրված է հեռուստաալիքի պաշտոնական կայքում: Պետական իշխանությունների ներկայացուցիչների, ինչպես նաև մի շարք քաղաքական ուժերի կողմից հրապարակային մեղադրանքները չեն դադարում: Այս ամենն ուղղակիորեն ճնշում է լրագրողներին և հեռուստաալիքի ամբողջ ստեղծագործական թիմին ,- գրված է հայտարարությունում: Հայտարարությունում նշվում է, որ NewsOne հեռուստաընկերության լրագրողների ծեծի առնչությամբ ոչ մի քրեական գործ ավարտին չի հասցվել, ոչ ոք չի պատժվել կատարված հանցագործությունների համար: Իրենց անպատժելիությունը, որն առաջացել է իրավապահների կողմից պաշտպանվածության հետևանքով, նրանց առավել ագրեսիվ է դարձրել անկախ լրատվամիջոցների և լրագրողների նկատմամբ: Հեռուստաալիքը պահանջում է դադարեցնել ճնշումներն ու զրպարտությունն իշխանությունների կողմից, ինչպես նաև կոչ է անում պահպանել երկրի օրենքները: Հիշեցնենք, որ հուլիսի 12-ին նախատեսվում էր Россия 1 և NewsOne հեռուստաալիքների ստուդիաների միջև Հարկավոր է խոսել վերնագրով հեռուստակամուրջ իրականացնել, որը պետք է անցկացվեր առանց քաղաքական գործիչների մասնակցության և երկխոսություն դառնար ռուս և ուկրաինացի ժողովուրդների միջև: Այս նախաձեռնությունը վրդովմունք էր առաջացրել Ուկրաինայի ռադայում, Լրագրողների միությունում, ինչպես նաև երկրի նախկին նախագահ Պյոտր Պորոշենկոյի և ներկայիս նախագահ Վլադիմիր Զելենսկիի կուսակցություններում, մինչդեռ Կրեմլն աջակցել էր նախաձեռնությանը: Հեռուստաընկերությունը նշել էր, որ լրագրողների ու նրանց մտերիմների հասցեին ֆիզիկական բռնությունների սպառնալիքներ են հնչել, որոնք Ուկրաինան վերադարձնում են լրագրողական ազատութան նկատմամբ ճնշումների ժամանակներին: NewsOne-ը հայտարարել էր ռուսական Россия 1 հեռուստաալիքի հետ հեռուստակամուրջը չեղարկելու մասին:

Related news

Latest News
Hashtags:   

Ուկրաինական

 | 

NewsOne

 | 

հեռուստաալիքը

 | 

ճնշում

 | 

գործադրելու

 | 

պատճառով

 | 

դիմել

 | 

միջազգային

 | 

կազմակերպություններին

 | 
Most Popular (6 hours)

Most Popular (24 hours)

Most Popular (a week)

Sources