Tuesday 23 July 2019
Home      All news      Contact us      English
azatutyun - 12 days ago

Դատավորների ընդհանուր ժողովը ընտրեց ԲԴԽ երկու անդամներին

Բարձրագույն դատական խորհրդի (ԲԴԽ) անդամներ են ընտրվել Ռուբեն Վարդազարյանը և Մեսրոպ Մակյանը, այս մասին հայտարարեց Դատավորների ընդհանուր ժողովի նախագահ,  Վճռաբերկ դատարանի նախագահ Էդվարդ Խունդկարյանը։ Խունդկարյանը նշեց նաև, որ տեղի է ունեցել Ռուբեն Վարդազարյանի, Մեսրոպ Մակյանի, դատավոր Նախշուն Տավարացյանի երդման արարողությունը։ «Տիկին Տավարացյանը 2018 թվականին օրենքի ուժով ընտրվել էր Բարձրագույն դատական խորհրդի անդամ՝ հաշվի առնելով գենդերային սկզունքը պահպանելու օրենսդրական անհրաժեշտությունը», - ասաց Խունդկարյանը։ Հիշեցնենք, որ ԲԴԽ անդամների թափուր տեղի համար դիմում էին ներկայացրել 11 դատավորներ։ Օրակարգում էր ընդգրկված նաև Վահե Գրիգորյանի նամակի հարցը, ինչին Դատավորների ընդհանուր ժողովը որոշեց անդրադառնալ ավելի ուշ, այն հավաքագրման ուղարկելուց հետո։ Նախշուն Տավարացյանը «Ազատության» հետ զրույցում նշեց, որ 9 ամիս առաջ ընտրվելուց հետո ինքը երդում չի տվել, քանի որ արձակուրդում է եղել, չի կարողացել ներկայանալ նիստին։ «Ազատության» հարցին ի պատասխան, նա նշեց, որ, ընդհանուր առմամբ, իր գործընկերների մոտ կա կոնսենսուս իր ընտրության հետ կապված. ոչ ոք առարկություններ այս մասով չունի՝ բացառությամբ մեկի։ «Ժողովում դրված է ԲԴԽ անդամների ընտրության հարցը, ես էլ, քանի որ արդեն ընտրված անդամ եմ օրենքի ուժով, որևիցե մեկը չի կարող ավելորդ մեկնաբանություն տալ Դատական օրենսգրքի տվյալ հոդվածին։ Իմ իրավունքից օգտվում եմ և պատրաստ եմ՝ երդում տալու», - նշեց Տավարացյանը։ Հարցին էլ՝ իր գործընկերներն առարկություններ ունե՞ն այս մասով, արձագանքեց. «Ըստ էության, ես չեմ տեսնում իմ գործընկերներից, ցավում եմ իհարկե, բացի մեկից»։ Թե ո՞ւմ մասին է խոսքը, Տավարացյանը պատասխանեց. «Սիմիզար Հովսեփյանի։ Ոչ մի ձևով չեմ կարող ասել, որ նրա հիմնավորումները շատ հստակ են կամ հիմնավորված են, պարզապես մարդը չի ցանկանում, որ Նախշուն Տավարացյանը երդում տա»։ Ազգային ժողովի նախկին պատգամավոր Արփինե Հովհաննիսյանի հայտարարությանը, որ «եթե իր հրաժարականի դիմումից 9 ամիս հետո Նախշուն Տավարացյանը երդվեց, սա նշանակում է, որ վճռաբեկ դատարանի նախագահը և առհասարակ դատական համակարգն ու բոլոր նրանք, ովքեր կհանդուրժեն այդ աղաղակող ապօրինությունը առաջինը պետք է վեթինգի ենթարկվեն, և լավ կլինի հրաժարվեն իրենց իրավաբանական կոչումից», Տավարացյանը մեկնաբանեց. «Ես նրան, որպես իրավաբանի, միշտ բարձր եմ գնահատել, այսօր էլ եմ բարձր գնահատում։ Այսօրվա նրա հայտարարությունը կարող եմ ասել՝ պայմանավորված է ինչ-ինչ անձնական նպատակներ բարելավելու համար։ Ամեն դեպքում ինձ չափազանց զարմացրել է տիկին Հովհաննսիյանի հայտարարությունը»։ Մինչ նիստի սկսելը լրագրողների հետ զրուցել է նաև վերաքննիչ քաղաքացիական դատարանի նախագահ Արսեն Մկրտչյանը, նա չհերքեց, որ տիկին Տավարացյանի մասով իսկապես իրավական վեճ կար։ «Իրավիճակը օրենքի ուժով մի փոքր անլուծելի է՝ կապված այն փաստի հետ, որ տիկին Տավարացյանը չերդվեց։ Այսինքն, մենք ունենք փաստ, որ ունենք ընտրության արդյունքով ընտրված Բարձրագույն դատական խորհրդի անդամ, և դեռևս, որպես այդպիսին, պաշտոնավարման պարտականությունները չի սկսել իրականացնել, մասնավորապես՝ այն փաստի ուժով, որ դեռևս չի երդվել, բայց մյուս կողմից ունենք իրավիճակ, որ դեռևս դադարեցված չի այդ անդամի լիազորությունները։ Անկախ նրանից, օրենսդրական կարգավորումը ուղղակիորեն, ես նշեցի, այս դեպքում չկա, բայց պետք է իրավիճակը լուծում ունենա, չի կարող անլուծված մնալ»։

Related news

Latest News
Hashtags:   

Դատավորների

 | 

ընդհանուր

 | 

ժողովը

 | 

ընտրեց

 | 

երկու

 | 

անդամներին

 | 
Most Popular (6 hours)

Most Popular (24 hours)

Most Popular (a week)

Sources