Monday 22 July 2019
Home      All news      Contact us      English
tert.am - 10 days ago

Հուլիսի 10-ի էներգետիկ ճգնաժամը կարող է Մեծամորի ատոմակայանի վերանորոգման և վերաբեռնավորման հետևանք լինել. փորձագետ (տեսանյութ)

Էներգետիկ աշխարհաքաղաքականության և միջազգային անվտանգության հարցերով մասնագետ Արմեն Մանվելյանը կարծում է՝ հուլիսի 10-ի էներգետիկ վթարի հիմնական պատճառը կարող է լինել այն, որ հունիսի 1-ից Մեծամորի ատոմակայանը դուրս է բերվել շահագործումից վերանորոգման և վերաբեռնավորման համար: Այս շոգ ամիսներին, երբ էլեկտրաէներգիայի սպառումը կտրուկ ավելանում է, սա կարող էր հանգեցնել այդ ճգնաժամին, այսինքն՝ այդ երկու ՋԷԿ-երը չկարողացան բավարարել սպառման այն ծավալը, որը միանգամից ավելացավ: Սա հանգեցրեց տատանումների, և տեղի ունեցավ այդ վթարը ,-նշեց փորձագետը: Հարցին՝ որքանո՞վ հաջողվեց համապատասխան գերատեսչություններին իրավիճակը պահել վերահսկողության տակ, Մանվելյանը պատասխանեց՝ Էներգետիկայի նախարարության լուծարման հետևանքով հնարավոր է՝ պետության կառավարումն այս հարցի վերաբերյալ եղել է ոչ լիարժեք, ինչն էլ հանգեցրել է տեխնածին ճգնաժամին: Հայաստանում Կառավարման համակարգի բարեփոխման արդյունքում Էներգետիկայի նախարարությունը լուծարվել է՝ այն, որպես այդպիսին, գոյություն չունի: Արդյո՞ք պահպանվել են այն ընթացակարգերը, որոնք նախկինում կային, արդյո՞ք այս գործընթացները կառավարելի են: Սրանք հարցեր են, որոնք շատ մասնագետների, այդ թվում՝ ինձ համար անհասկանալի են: Նախարարությունը չկա, պարզ չէ՝ նախարարության հատկապես, որ գերատեսչություններն են լուծարվել, որոնք են միացվել Տարածքային կառավարման և ենթակառուցվածքների նախարարությանը: Այսինքն՝ սրա հետևանքով կարող է այնպես եղած լինել, որ պետության կառավարումն այս հարցի վերաբերյալ եղել է ոչ լիարժեք, ինչն էլ հանգեցրել է տեխնածին ճգնաժամին : Փորձագետը նաև նշեց, որ հունիսի 10-ին եղել է նաև բնակչության անիրազեկվածության խնդիր, ինչն էլ երբեմն հանգեցնում է խուճապի: Եթե համեմատելու լինենք 2013 թ. նմանատիպ դեպքի հետ, ապա այն ժամանակ բնակչությունը գրեթե չիմացավ, որ նման խնդիր է եղել, իսկ այս պարագայում կար տեղեկատվության պակաս, ինչը առաջացրեց որոշակի խուճապ, խոսակցություններ՝ ատոմակայանի շահագործման հետ կապված և այլն: Սա ցույց է տալիս, որ ժամանակին բնակչությանը տեղեկատվություն հաղորդելու և խնդրի էությունը բացատրելու առումով կար լուրջ բաց և սա նշանակում է, որ այստեղ պետք է իրենք աշխատեն ու հասկանան՝ ով է զբաղվելու սրանով, որովհետև եթե այդ հարցով խոսում է կրթության նախարարը, ապա մենք հասկանում ենք, որ այստեղ իրավիճակը կառավարելու լուրջ խնդիր կա ,-ասաց փորձագետը:
Մանրամասները՝ տեսանյութում:



Related news

Latest News
Hashtags:   

Հուլիսի

 | 

էներգետիկ

 | 

ճգնաժամը

 | 

կարող

 | 

Մեծամորի

 | 

ատոմակայանի

 | 

վերանորոգման

 | 

վերաբեռնավորման

 | 

հետևանք

 | 

լինել

 | 

փորձագետ

 | 

տեսանյութ

 | 
Most Popular (6 hours)

Most Popular (24 hours)

Most Popular (a week)

Sources